'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் |
'ஐ' படத்தின் ரிலீஸ் தீபாவளியன்றுதான் இருக்கும் என்று சொல்லப்பட்டு வரும் நிலையில் கடந்த சில நாட்களாக அந்தப் படம் தள்ளிப் போகவும் வாய்ப்பிருப்பதாகவும் சிலர் பேசி வருகிறார்கள். ஆனால், படத்தின் வேலைகள் பெரும்பாலான விதத்தில் முடிந்த விட்ட நிலையில் தள்ளிப் போகவும் வாய்ப்பில்லை என்கிறார்கள். நவம்பர் மாதம் 'உத்தம வில்லன்' படம், டிசம்பர் மாதம் 'லிங்கா' படம் வெளிவர உள்ள சூழ்நிலையில் 'ஐ' படத்தின் வெளியீடு திட்டமிட்டபடி தீபாவளி தினத்தன்றுதான் இருக்கும் என்று தகவல் வெளியாகியுள்ளது. தமிழ் தவிர தெலுங்கு, மலையாளம், ஹிந்தி உட்பல பல இந்திய மொழிகளிலும் 'ஐ' படம் டப் செய்து வெளியிடப்பட உள்ளது.
கேரளாவைப் பொறுத்தவரையில் 'ஐ' படம் தமிழிலேயே அதிக இடங்களில் வெளியாகவும் வாய்ப்புள்ளதாகவும் தெரிகிறது. விக்ரம், எமி ஜாக்சன் நாயகன் நாயகியாக நடித்திருந்தாலும் மலையாள முன்னணி நடிகரான சுரேஷ் கோபியும் படத்தில் முக்கிய கதாபாத்திரத்தில் நடித்துள்ளதால் அவருக்கிருக்கும் ரசிகர்களாலும் இந்தப் படம் அதிக வரவேற்பைப் பெறலாம் என்கிறார்கள். ஏற்கெனவே, விக்ரமுக்கெனவும் கேரள ரசிகர்களிடையே தனி வரவேற்பு இருக்கிறது. இந்தப் படத்தின் வெளியீடு நேரடி மலையாளப் படங்களின் ரிலீசை பாதிக்கும் என்றும் சிலர் எதிர்பார்க்கிறார்களாம்.
மம்முட்டி நடித்துள்ள 'வர்ஷம்' என்ற படத்தை அன்றைய தினத்தில் வெளியிட முடிவு செய்திருந்தார்களாம். ஆனால், 'ஐ' படத்தை வெளியிட பெரும்பாலான திரையரங்கு உரிமையாளர்கள் முடிவு செய்துள்ளதால் 'வர்ஷம்' படத்திற்கு எதிர்பார்த்த திரையரங்குகள் கிடைக்கவில்லையாம். அதனால், அந்தப் படத்தின் ரிலீசை ஒரு வாரம் வரை தள்ளி வைக்க முடிவு செய்துள்ளார்கள் என்றும் தகவல் வெளியாகியுள்ளது.