ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
இந்த ஆண்டின் துவக்கத்தில் தமிழ்த் திரையுலகின் முன்னணி ஹீரோக்களான அஜித் நடித்த 'வீரம்', 'ஜில்லா' ஆகிய படங்கள் வெளிவந்தன. அந்தப் படங்களில் முறையே தமன்னாவும், காஜல் அகர்வாலும் நாயகிகளாக நடித்திருந்தனர். அந்தப் படங்கள் வெளிவந்து சுமார் ஒன்பது மாதங்களாகியும் அவர்களிருவருக்குமே தமிழில் வேறு எந்தப் புதுப் படங்களிலும் நடிக்க வாய்ப்பு வரவில்லை. இத்தனைக்கும் அந்த இரண்டு படங்களையும் வெற்றிப் படங்களாகவே அஜித், விஜய் ரசிகர்கள் கொண்டாடினார்கள். வசூல் ரீதியாக மிகப் பெரிய வெற்றி பெறவில்லை என்று திரையுலகத்தைச் சேர்ந்தவர்கள் சொன்னாலும் அவர்களுடைய ரசிகர்களைப் பொறுத்தவரை அவை வெற்றிப் படங்கள்தான்.
அப்படியிருக்க தமன்னாவுக்கும், காஜல் அகர்வாலுக்கும் அடுத்து தமிழில் வேறு எந்தப் படங்களுமே ஒப்பந்தம் ஆகாததுதான் ஆச்சரியம். ஒரு மொழியில் முன்னணி ஹீரோயின்கள் என்றால் குறைந்தது வருடத்திற்கு மூன்று படங்களாவது நடித்தால்தான் நன்றாக இருக்கும். ஆனால், அவர்களிருவரைப் பொறுத்தவரையில் எந்த தமிழ்ப் படத்திலும் நடிக்க யாருமே அழைக்கவில்லை. காஜல் அகர்வால், தனுஷ் ஜோடியாக பாலாஜி மோகன் இயக்கத்தில் நடிக்கப் போகிறார் என்றார்கள், அந்தப் படம் ஆரம்பமாகுமா என்பது இதுவரை தெரியவில்லை. தமன்னாவை தமிழ் இயக்குனர்கள் சுத்தமாக மறந்தே போய்விட்டார்கள்.
ஆனால், தெலுங்கில் தமன்னா நடித்து கடந்த வாரம்தான் 'ஆகாடு' படம் வெளிவந்தது, இருந்தாலும் அந்தப் படம் தோல்வியடைந்தது. காஜல் அகவர்வால் நடித்துள்ள 'கோவிந்துடு அந்தாரிவாடிலே' விரைவில் வெளியாக உள்ளது. அடுத்த ஆண்டிலாவது அவர்களை நமது இயக்குனர்கள் அழைப்பார்களா....?