Dinamalar

லிங்குசாமி தயாரிப்பில் அஜித்...?

இயக்குனர் லிங்குசாமி திருப்பதி பிரதர்ஸ் என்ற தயாரிப்பு நிறுவனத்தையும் நடத்தி வருகிறார். இந்த நிறுவனம் கடந்த சில வருடங்களாகவே படத் தயாரிப்பிலும், பட வினியோகத்திலும் ஈடுபட்டு வருகிறது. இந்த ஆண்டின் வசூல் ரீதியிலான முதல் வெற்றிப் படமான 'கோலி சோடா' மற்றும் சில மாதங்களுக்கு முன் வெளிவந்த 'மஞ்சப் பை', சில வாரங்களுக்கு முன் வெளிவந்த மற்றொரு வெற்றிப் படமான 'சதுரங்க வேட்டை' ஆகிய படங்களையும் வாங்கி வெளியிட்டது. அதோடு தற்போது கமல்ஹாசன் நடிக்கும் 'உத்தமவில்லன்', விஜய்சேதுபதி நடிக்கும் 'இடம் பொருள் ஏவல்' மற்றும் வேறு சில படங்களையும் தயாரித்து ஒரு முன்னணி தயாரிப்பு நிறுவனமாக விளங்கி வருகிறது.

இந்தப் படங்களையடுத்து அஜித் நடிக்கும் ஒரு புதிய படத்தையும் அவர்கள் தயாரிக்க உள்ளதாக செய்திகள் வெளியாகியுள்ளது. சில வருடங்களுக்கு முன் அஜித் நடித்த 'ஜி' என்ற படத்தை லிங்குசாமி இயக்கியிருந்தார். தாமதமான வெளியீட்டால் அந்தப் படம் அப்போது பெரிய வெற்றியைப் பெறவில்லை. இருந்தாலும் லிங்குசாமியின் தயாரிப்பு நிறுவனம் முன்னணி நிறுவனமாகவும் உள்ளதால் அஜித்தை வைத்து படம் தயாரிக்க அவரை அணுகியுள்ளதாகவும் தகவல்கள் வெளியாகியுள்ளன. அஜித் தற்போது கௌதம் மேனன் இயக்கத்தில் நடித்து வருகிறார். அந்தப் படத்திற்கடுத்து அவர் நடிக்கும் படம் எது என்பது இன்னும் முடிவாகவில்லை. அஜித் தற்போது படங்களைத் தேர்வு செய்வதில் மிகவும் கவனமாக இருந்து வருகிறார். மற்ற நடிகர்களின் அடுத்த படம் எது என்று செய்திகள் வெளிவந்தாலும் அஜித்தைப் பற்றிய தேவையற்ற செய்திகள் எப்போதுமே வெளிவராது. அதனால் அஜித்தாகவே அடுத்த படம் பற்றிய அறிவிப்பை வெளியிடும் வரையில் லிங்குசாமி தயாரிப்பில் அஜித் நடிக்கவிருப்பது செய்தியாக மட்டுமே வலம் வர வாய்ப்புள்ளது.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி
• 
  அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : ...
• 
  பிளாஷ்பேக்: நடிகையை திருமணம் செய்த முதல் இயக்குனர்