டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழுக்கு ஆர்னால்ட், தெலுங்குக்கு ஜாக்கிசான்...என்ற பேச்சு சில வாரங்களுக்கு முன்பாகவே 'ஐ' படத்தின் இசை வெளியீட்டு விழாவின் செய்தியாக வலம் வந்தது. அதன் பின் ஆர்னால்ட்டே வீடியோவில் தோன்றி நான் சென்னைக்கு வருகிறேன் என்று சொன்ன போதுதான் அனைவருமே நம்ப ஆரம்பித்தார்கள். அப்படியே ஆர்னால்ட்டும் வந்தார், சென்றார்...அடுத்து தெலுங்கு 'ஐ' யின் 'மனோகரடு' படத்தின் இசை வெளியீடு அக்டோபர் 2ம் தேதி நடக்க உள்ளது.
இந்த விழாவிற்கு ஜாக்கி சான் வந்து கலந்து கொள்வார் என்றும் தற்போது செய்திகள் வெளியாகியுள்ளன. சென்னையில் நடந்த 'ஐ' இசை விழாவில் தமிழ் சினிமாவின் சூப்பர் ஸ்டாரான ரஜினிகாந்த் கலந்து கொண்டு சிறப்பித்தார். அதே போன்று 'மனோகரடு' இசை வெளியீட்டு விழாவில் தெலுங்குத் திரையுலகின் மெகா ஸ்டாரான சிரஞ்சீவி கலந்து கொள்ள இருக்கிறாராம். அவரோடு வேறு முன்னணி நட்சத்திரங்களும் கலந்து கொள்வார்களா என்பது உறுதியாகத் தெரியவில்லை. ஏனெனில், சென்னையில் நடைபெற்ற 'ஐ' இசை வெளியீட்டு விழாவில் ரஜினிகாந்தைத் தவிர வேறு எந்த முன்னணி தமிழ் நட்சத்திரங்களும் கலந்து கொள்ளவில்லை. ஆனால், தெலுங்கில் அப்படி இல்லாமல் வேறு சில முன்னணி நட்சத்திரங்களையும் அழைப்பார்கள் என்று எதிர்பார்க்கப்படுகிறது.
தெலுங்கிலும் படத்திற்கு மிகப் பெரிய எதிர்பார்ப்பு ஏற்பட்டுள்ளதால் அந்த எதிர்பார்ப்பை இசை விழா மூலமும் இன்னும் அதிகப்படுத்தவே நினைப்பார்கள் என்றே தெரிகிறது. 'மனோகரடு' இசை விழா பற்றிய அதிகாரப்பூர்வ அறிவிப்பு இன்னும் சில தினங்களில் வெளியாகலாம் என்கிறார்கள்.