அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் |
அர்ஜுன் தற்போது 'ஜெய் ஹிந்த் 2' என்ற படத்தை தயாரித்து, இயக்கி, நாயகனாகவும் நடித்து முடித்திருக்கிறார். இந்தப் படம் கடந்த வருடம் ஜுன் மாதம் ஆரம்பமானது. கல்வி முறையை மையமாகக் கொண்டு உருவாக்கப்பட்டுள்ள இந்தப் படத்திற்கு முதலில் கன்னடத் திரையுலகில் பிரபலமான இசையமைப்பாளராக இருந்த ஹரிகிருஷ்ணன் இசையமைப்பதாக இருந்தது. இந்தப் படம் ஆரம்பிக்கப்பட்ட போது நடந்த பத்திரிகையாளர் சந்திப்பில் அர்ஜுனும், வைரமுத்துவும் கலந்து கொண்ட போது இசையமைப்பாளர் ஹரிகிருஷ்ணாவும் கலந்து கொண்டார். அவர்களிருவருமே ஹரிகிருஷ்ணாவைப் பற்றி பாராட்டிப் பேசினார்கள். அதன் பின் படத்தில் இசையமைப்பாளர் மாற்றப்பட்ட விஷயம் வெளியே தெரியவேயில்லை.
சில தினங்களுக்கு முன் படத்தின் இசை வெளியீடு நடந்த போதுதான் இசையமைப்பாளர் மாற்றப்பட்ட விஷயமே தெரிய வந்தது. அர்ஜுன் ஜென்யா என்பவர்தான் படத்திற்கு இசையமைத்திருக்கிறார். இவர் கன்னடத்தில் வெளிவந்த 'ஆட்டோகிராப் ப்ளீஸ்' படம் மூலம் இசையமைப்பாளராக அறிமுகமானவர். ஹரிகிருஷ்ணாவும் கன்னடத் திரையுலகில் பிரபலமான இசையமைப்பாளர்தான். அவரும் பல வெற்றிப் படங்களுக்கு இசையமைத்தவர்தான். திரையுலகில் இது போன்ற 'மாற்றல்' சம்பவங்கள் நடைபெறுவது சாதாரணமான விஷயம்தான். ஆனால், படத்தின் பூஜையன்று அவருடைய இசையைப் பற்றி வைரமுத்துப் பாராட்டிப் பேசியதைக் கேட்டவர்களுக்கு அவருடைய திறமையைப் பற்றி நன்றாகப் புரிந்திருக்கும்.
அப்படிப்பட்ட ஒரு திறமைசாலி மாற்றப்பட்டதன் பின்னணியில் விவகாரமான விஷயம் ஏதோவொன்று நடந்திருக்கிறது. ஆனால், அதை வெளியில் சொல்லாமலேயே மறைத்துவிட்டார்கள்.