அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் |
'மைனா' படம் மூலம் சிறந்த படங்களைத் தரும் இயக்குனர்களின் பட்டியலில் இடம் பெற்றவர் பிரபு சாலமன். தொடர்ந்து அவரது இயக்கத்தில் வெளிவந்த 'கும்கி' படமும் வசூல் ரீதியாகவும், படத்தின் தரத்திலும் அடுத்த கட்டத்தை அடைந்து அவருக்கு மேலும் ஒரு பெயரைப் பெற்றுத் தந்தது. விரைவில் அவரது இயக்கத்தில் 'கயல்' படம் வெளிவர உள்ளது.
'மைனா' படத்தில் விதார்த், 'கும்கி' படத்தில் விக்ரம் பிரபு ஆகியோரை நாயககர்களாக அறிமுகப்படுத்தியதைப் போல 'கயல்' படத்திலும் சந்திரன் என்ற புதுமுகத்தை அறிமுகப்படுத்துகிறார். பெரிய நட்சத்திரங்களை வைத்து இயக்கும் போது அந்தப் படம் வெற்றி பெற்றால் அதிக பட்சப் புகழ் அவர்களுக்குப் போய்விடும். அதே சமயம் புதுமுகங்களை வைத்து இயக்கி வெற்றி பெறும் இயக்குனர்களுக்குத்தான் மொத்தப் புகழும் போய்ச் சேரும்.
அந்த விதத்தில் 'கயல்' படம் மூலமும் பிரபு சாலமன் மேலும் ஒரு கட்டத்திற்கு பயணமாவார் என்கிறார்கள். அப்படித்தான் மொத்த படமும் உருவாக்கப்பட்டுள்ளதாம். முந்தைய படங்களைப் போலவே 'கயல்' படமும் தமிழ் சினிமாவில் ஒரு அழுத்தமானப் பதிவாக இருக்கும் என்கிறார்கள். இந்தப் படத்தையடுத்து பிரபு சாலமன் உதயநிதி ஸ்டாலின் தயாரிப்பில் படத்தை இயக்க உள்ளார் என்று செய்திகள் வெளியாகியுள்ளது. அவர் சொன்ன கதையைக் கேட்ட உதயநிதி கண்டிப்பாக செய்வோம் என்று சொல்லியிருக்கிறாராம். 'மைனா' படத்தை வாங்கி வெளியிட்டு அதை இந்த அளவிற்கு மக்களிடம் கொண்டு போய்ச் சேர்த்தவர் உதயநிதி என்பது குறிப்பிடத்தக்கது.
மீண்டும் உதயநிதி, பிரபு சாலமன் கூட்டணியில் உருவாக உள்ள அந்தப் படத்தில் புதுமுகம்தான் ஹீரோவா என்பதும், படம் எதைப் பற்றிய கதை என்பதும் 'கயல்' படத்தின் வெளியீட்டிற்குப் பிறகு அறிவிக்கப்படும் என்கிறார்கள். தொடர்ந்து கிராமத்துப் பக்கமும், மலைப் பிரதேசத்திலும் பயணித்த பிரபு சாலமன் அடுத்த படத்தில் நகர்ப்புறம் பயணிக்க இருக்கிறார் என்று மட்டும் தகவல் கசிந்துள்ளது.