Dinamalar

சிஷ்யன் படத்தை வாங்கினார் ஷங்கர்!

பிரமாண்ட இயக்குனர் ஷங்கரிடம் சிவாஜி, எந்திரன் படங்களில் உதவியாளராக பணியாற்றிவர் கார்த்திக் ஜி.கிரிஷ். இவர் தற்போது கப்பல் என்ற படத்தை தனியாக இயக்கி உள்ளார். இதில் வைபவ், சோனம் பஜ்வா, கருணாகரன், விடிவி.கணேஷ், நடித்துள்ளனர். நடராஜன் சங்கரன் இசை அமைத்துள்ளார், தினேஷ் கிருஷ்ணன் ஒளிப்பதிவு செய்துள்ளார். ஐ ஸ்டூடியோ எண்டர்டெய்ன்மெண்ட் சார்பில் 8 நண்பர்கள் இணைந்து இதனை தயாரித்துள்ளார்கள். படம் முடிந்தது ரிலீசுக்கு ரெடியாக இருக்கிறது. இந்த நிலையில் படத்தை இயக்குனர் ஷங்கரின் எஸ் பிக்சர்ஸ் நிறுவனம் வெளியிடுகிறது.

இதுகுறித்து படத்தின் இயக்குனர் கார்த்திக் கூறியதாவது: படம் முடிந்ததும் அதனை எனது குரு ஷங்கர் சாருக்கு போட்டுக்காட்ட ஆசை. ஆனால் அவர் ஐ படத்தில் பிசியாக இருந்ததால் முடியவில்லை. இருந்தாலும் பாட்டையாவது போட்டுக் காட்டலாம் என்று முடிவு செய்து அவரிடம் நேரம் வாங்கி போட்டுக்காட்டினேன். பாடல்கள் அவருக்கு பிடித்துப்போக படத்தை பார்க்க விருப்பம் தெரிவித்தார். உடனேயே படத்தையும் போட்டுக் காட்டினேன். படத்தை பார்த்த அவர் "நான் ரொம்ப ரசிச்சு பார்த்தேன். ரியாலிட்டி காமெடியா வந்திருக்கு. படம் பிசினசாயிடுச்சா?"ன்னு கேட்டார். ஒருத்தர் வாங்க விருப்பத்தோடு இருக்கார்னு சொன்னேன். "நான் வாங்கிக்கட்டுமா?" என்றார். சந்தோஷம் தாங்க முடியவில்லை. எதுவுமே பேசாமல் அவர் கையில் படத்தை கொடுத்துவிட்டேன். என்றார் கார்த்திக்.

செப்டம்பர் அல்லது நவம்பர் மாதத்தில் படத்தை வெளியிடுகிறார் ஷங்கர்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்