ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
நடிகர் விஜயகாந்த தே.மு.தி.க.வை ஆரம்பித்த சில நாட்களிலேயே தனது கட்சிக்கென தனி டி.வி., சேனல் வேண்டும் என விரும்பினார். கட்சியின் நிர்வாகிகளும், தொண்டர்களும் சேனலை எதிர்பார்ததன் விளைவாக கடந்த ஏப்ரல் 14ம்தேதி கேப்டன் டி.வி., தொடங்கப்பட்டது. முன்னணி கட்சிகளுக்கு போட்டியாக கட்சி ஆரம்பித்து விஜயகாந்த் எப்படி தத்தளித்து வருகிறாரோ... அதேப்போலதான் கேப்டன் டி.வி.,யும் தத்தளித்து வருகிறது. முன்னணி சேனல்களுக்கு போட்டியாக வித்தியாசமான நிகழ்ச்சிகளை வழங்க முற்படுவதுடன், புதுப்புது படங்களை வாங்கும் விஷயத்திலும் போட்டி போட்டு முன்னேறி வருகிறது.
அரசியல்வாதிக்கு சொந்தமான டி.வி., சேனல் என்றால் செய்திகள் ஒளிபரப்ப வேண்டாமா? இதோ தயாராகி விட்டது கேப்டன் டி.வி.! இன்று முதல் தினமும் காலை 7.30 மணி, பகல் 1 மணி மற்றும் மாலை 6 மணிக்கு தலைப்பு செய்திகளும், இரவு 7.30 மணி மற்றும் இரவு 10 மணி ஆகிய நேரங்களில் கேப்டன் செய்திகளும் ஒளிபரப்பாக உள்ளது. மற்ற சேனல்கள் சொல்வது போலவே கேப்டன் டி.வி.,யும் நடுநிலை(?) தவறாமல் செய்தியை வெளியிடுவோம் என்று விளம்பரப்படுத்தி வருகிறது. அதே நேரம் மக்கள் பிரச்னைகளுக்கு முக்கியத்துவம் கொடுக்கும் வகையில் செய்திகள் இருக்க வேண்டும் என்றும் உத்தரவிடப் பட்டிருக்கிறதாம். நடுநிலை எந்த அளவுக்கு இருக்கும் என்பது போகப் போக தெரிந்து விடும்.