ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
ஆர்யா, நயன்தாரா, ஜெய், நஸ்ரியா நடித்த ராஜா ராணி படத்தை இயக்கியவர் அட்லீ. ஷங்கரின் உதவியாளராக இருந்து இயக்குனரானவர். ஒரு படத்திலேயே உயரத்திற்கு சென்றவர். ஒரு ஹிட்டுக்கு பிறகு திருமணம் என்கிற அறிமுக இயக்குனர்கள் பாணியில் அட்லீயும் திருமணம் செய்து கொள்ள இருக்கிறார்.
அவர் மணக்க இருப்பது சின்னத்திரை நடிகை ப்ரியாவை. ப்ரியா சின்னத்திரை சீரியல்களில் நடித்து வருகிறார். அதோடு சிங்கம், சிங்கம் 2 படத்தில் அனுஷ்காவின் தங்கையாகவும், நான் மகான் அல்ல படத்தில் கார்த்தியின் தங்கையாவும் நடித்துள்ளார். தற்போதும் சில படங்களில் நடித்து வருகிறார். பல வருடங்களாக காதலித்து வந்த அட்லீயும், ப்ரியாவும் திருமணம் செய்து கொள்ள இருக்கிறார்கள்.
இதுகுறித்து அட்லீ கூறியதாவது: நான் எனது நிஜ ராணியை திருமணம் செய்து கொள்ள இருக்கிறேன். ப்ரியாவை கடந்த 8 வருடங்களாக அறிவேன். நண்பர்களாக இருந்தோம், இப்போது காதலிக்கிறோம். நிச்சயதார்த்தம் முடிந்துள்ளது. நெருங்கிய நண்பர்கள், உறவினர்கள் மட்டும் கலந்து கொண்டனர். நவம்பர் மாதம் திருமணம் நடக்கிறது என்கிறார் அட்லீ.