Dinamalar

கதை கேட்பதை நிறுத்தினார் விஜயசேதுபதி!

இதுவரை 7 படங்களில் ஹீரோவாக நடித்துள்ளார் விஜயசேதுபதி. அதில் ரம்மி, பண்ணையாரும் பத்மினியும் படங்கள்தான் சறுக்கி விட்டன. மற்றபடி எல்லாமே நல்ல வசூல்தான். இதற்கிடையே ஜிகர்தண்டா, கதை திரைக்கதை வசனம் இயக்கம் படங்களில் கெஸ்ட் ரோலில் நடித்த விஜயசேதுபதி, அட்டகத்தி தினேஷ் நடித்துள்ள திருடன் போலீஸ் படத்தில் ஒரு பாடலுக்கும் நடனமாடியுள்ளார்.

இதையடுத்து, வன்மம் படத்தை முடித்து விட்ட அவரது கைவசம், மெல்லிசை, புறம்போக்கு, ஆரஞ்சு மிட்டாய், இடம் பொருள் ஏவல், வசந்த குமாரன், நானும் ரெளடிதான் என அரை டஜன் படங்கள் உள்ளன. இந்த படங்கள் அனைத்தும் படப்பிடிப்பு அங்கொன்றும், இங்கொன்றுமாக நடந்து கொண்டிருப்பதால், கால்சீட்டை துண்டு துண்டாக பிரித்துக் கொடுத்து நடித்து வருகிறார் விஜயசேதுபதி.

இந்த நிலையில், அவரிடம் அடுத்த ஆண்டு அல்லது அதற்கடுத்த ஆண்டு என கால்சீட் கேட்டு பல கம்பெனிகள் துரத்தி வருகின்றன. அதே போன்று இளவட்ட இயக்குனர்களும் கதையோடு விஜயசேதுபதி செல்லும் இடமெல்லாம் முற்றுகையிட்டு வருகின்றனர்.

ஆனால் இதுவரை தன்னை சந்தித்தவர்களிடம் நல்ல கதையாக ரெடி பண்ணி வையுங்கள், ஓய்வு கிடைக்கும்போது கதை கேட்கிறேன் என்று கூறிவந்த அவர், இப்போது புதிதாக யாராவது கதை சொல்ல அணுகினால், இப்போதைக்கு கதை கேட்கும் ஐடியா இல்லை. கைவசம் உள்ள படங்கள் வெளியான பிறகுதான் பிரஷ்சாக கதை கேட்கயிருக்கிறேன் என்று திருப்பி விட்டு வருகிறார்.

இதனால் விஜயசேதுபதி கதை கேட்பதாக சொன்னதால், ஆர்வத்துடன் பல மாதங்களாக உதவி இயக்குனர்கள் குழுவுடன் ஸ்கிரிப்ட் தயாரித்து விட்டு அவரை தொட்ர்பு கொண்ட புதுமுக இயக்குனர்கள் பலத்த ஏமாற்றத்துடன் திரும்பிக் கொண்டிருக்கின்றனர்.

• செய்திகள்
• வரவிருக்கும் படங்கள்

• செய்திகள்
• வந்த படங்கள்

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்