அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் | ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்! | 'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர் | மோகன்லாலை சந்தித்தது மிகப்பெரிய கவுரவம் : ரிஷப் ஷெட்டி | வேற்றுக்கிரக மனிதரய்யா நீங்கள் : பஹத் பாசிலுக்கு விக்னேஷ் சிவன் புகழாரம் | இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் | அரசியல் கட்சித் தலைவராக இருந்து விஜய் செய்தது சரியா ? |
சில தினங்களுக்கு முன் கமல் நடிக்கும் பாபநாசம் படத்தின் படப்பிடிப்பு ஆரம்பமாகி தொடர்ந்து நடைபெற்று வருகிறது. பாபநாசம் படத்தில் நடிக்க தயாரான கமல் அதற்கு முன்பே உத்தமவில்லன் படத்தை முடித்துக்கொடுத்துவிட்டார். கமல் பாபநாசம் படத்தில் பிஸியாக இருக்க, உத்தமவில்லன் படத்தின் போஸ்ட் புரடக்ஷன்ஸ் பணிகளில் பிஸியாக இருக்கிறார் அப்படத்தின் இயக்குநர் ரமேஷ் அரவிந்த்.
உத்தமவில்லன் படத்தின் போஸ்ட் புரடக்ஷன்ஸ் பணிகள் தற்போது நடைபெற்று வரும் வேகத்தை வைத்து, படத்தின் ரிலீஸ் தேதியை முடிவு செய்துள்ளனர் திருப்பதி பிரதர்ஸ். அதன்படி கமலின் பிறந்தநாளான நவம்பர் 7 ஆம்தேதி அன்று உத்தமவில்லன் படத்தை வெளியிட தீர்மானித்துள்ளனர். இந்த தகவலை கமலிடமும் தெரிவித்துவிட்டனர். அதைற்கு கமல் தரப்பிலும் சம்மதம் தெரிவிக்கப்பட்டிருக்கிறது.
இதற்கிடையில், உத்தமவில்லன் படத்துக்கு முன் தொடங்கப்பட்ட விஸ்வரூபம் 2 படத்தை கமலின் பிறந்தநாளான நவம்பர் 7 ஆம் தேதி அன்று வெளியிடப்போவதாக கூறி வருகிறார் ஆஸ்கார் ரவிச்சந்திரன். ஐ படத்தைப் பற்றிய செய்திகளை தெரிவிக்க சில நிருபர்களை மட்டும் அழைத்து அப்படத்தின் டிரைலரை போட்டுக்காட்டினார் தயாரிப்பாளர் ஆஸ்கார் ரவிச்சந்திரன். அப்போது அவரிடம் விஸ்வரூபம் 2 படத்தைப் பற்றியும் செய்தியாளர்கள் கேட்டார்களாம்.
அதற்கு அவர், விஸ்வரூபம் 2 படத்துக்கான கிராபிக்ஸ் வேலைகள் தற்போது நடைபெற்று வருகிறது. இப்படம் ஆக்ஷன் மட்டுமின்றி நட்பு, பாசம், டான்ஸ், ஃபைட் என எல்லா கலவையும் கலந்த படமாக இருக்கும். மீண்டும் ஒரு சகலகலா வல்லவன் படம் பார்த்த திருப்தி ரசிகர்களுக்குக் கிடைக்கும். ஐ படம் தீபாவளிக்கு வெளியானபிறகு அதற்கு அடுத்த மாதம் அதாவது நவம்பர் 7 ஆம் தேதி விஸ்வரூபம் 2 படத்தை வெளியிடத் திட்டமிட்டிருக்கிறேன்! என்று சொன்னாராம்.
உத்தமவில்லன் படம் நவம்பர் 7 ஆம் தேதி வெளிவருவதாக சொல்லப்படுகிறதே என்று கேட்கப்பட்டதற்கு, விஸ்வரூபம் 2 படத்துக்கு முன்னால் உத்தமவில்லன் படத்தை ரிலீஸ் செய்யவிட மாட்டேன் என்று உறுதியாய் தெரிவித்தாராம் ஆஸ்கார் ரவி.