பாலிவுட்க்கு செல்லும் சுந்தர்.சி! | விஜய் மகனை நிராகரித்த சிவகார்த்திகேயன்! | இளையராஜா பயோபிக் படத்தை குறித்து புதிய தகவல் இதோ! | நடிகை பூஜாவின் லேட்டஸ்ட் புகைப்படம் வைரல் | அடையாளம் தெரியாத அளவிற்கு மாறிப்போன கமலினி முகர்ஜி | 'பிரேமலு' பிரபலம் மமிதா பைஜு தமிழிலும் பிரபலம் ஆவாரா? | சூர்யாவின் 'கங்குவா' டீசர் இன்று மாலை வெளியீடு; பரபரப்பை ஏற்படுத்துமா? | நாங்கள் தாசிகள் தான்! சின்னத்திரை நடிகை தீபாவின் உருக்கமான பேச்சு | மீண்டும் சீரியலில் கம்பேக் கொடுத்த ஸ்ருதி சண்முகப்ரியா! | ஓடிடியிலும் சாதனை படைக்கும் 'ஹனுமான்' |
சைவம் படத்தை தொடர்ந்து விக்ரம் பிரபுவை ஹீரோவாக வைத்து புதிய படத்தை இயக்குகிறார் விஜய். விக்ரம்பிரபுவுக்கு ஜோடியாக முன்னாள் நடிகை மேனகாவின் மகள் கீர்த்தி சுரேஷ் கதாநாயகியாக நடிக்கிறார். ராதிகா சரத்குமார் தயாரிக்கும் இப்படத்துக்கு இன்னும் தலைப்பு சூட்டப்படவில்லை. இப்படத்தின் படப்பிடிப்பு பணிகள் தொடர்பாக கொச்சிக்கு சென்றுள்ளார் இயக்குநர் விஜய். அவருடன் விஜய்யின் மனைவியும், நடிகையுமான அமலா பாலும் கொச்சி சென்றுள்ளார்.
அமலா பாலின் சொந்த ஊரான ஆலுவா கொச்சி அருகேதான் உள்ளதாம்! அமலா பால் நடிகையாகி பிரபலமான பிறகு அந்த ஊரில் இருக்கும் அரசாங்க பொது மருத்துவமனைக்கு அவ்வப்போது சென்று, அங்கு சிகிச்சை பெற்று வரும் நோயாளிகள் மற்றும் அவர்களது குடும்பத்தினருக்கு தன்னால் முடிந்த உதவிகளை செய்து வருகிறார். அடுத்த மாதம் 7-ஆம் தேதி கேரள மக்களின் முக்கிய பண்டிகையான ஓணம் பண்டிகை வருகிறது. ஆலுவாவில் உள்ள மருத்துவமனையில் தங்கி சிகிச்சை பெற்று வரும் ஏழை நோயாளிகள் மற்றும் அவர்களது குடும்பத்தினர் ஓணம் பண்டிகையை கொண்டாடி மகிழ வேண்டும் என்பதற்காக அவர்களுக்கு உதவி செய்ய முடிவு செய்துள்ளனர் விஜய் - அமலா பால்! இதற்காக அரிசி, பருப்பு, வெல்லம், காய்கறி, கனிகள் அடங்கிய பரிசுப்பையுடன் புத்தாடைகள் வாங்குவதற்காக பணமும் வழங்கவிருக்கிறார்கள்.
இந்த நிகழ்ச்சி ஆலுவா மருத்துவமனையில் நாளை நடைபெறவிருக்கிறது. இதற்காகவே கணவருடன் கேரளா சென்றுள்ளாராம் அமலாபால். கடந்த சில மாதங்களுக்கு நடைபெற்ற தனது திருமண நிச்சயதார்த்தத்தை முன்னிட்டும் அந்த மருத்துவமனையிலுள்ள நோயாளிகளுக்கு அமலாபால் நிதி உதவிகளை செய்திருந்தராம்!