கார் விபத்தில் மயிரிழையில் உயிர் தப்பிய 'பேமிலி ஸ்டார்' பாடகி | ஆடுஜீவிதம் பட விழாவில் ஏ.ஆர்.ரஹ்மானின் தந்தைக்கு மோகன்லால் புகழாரம் | ஜப்பானில் 'ஆர்ஆர்ஆர்' படத்தின் ஸ்பெஷல் ஸ்கிரீனிங் | 'கல்கி 2898 எடி' தள்ளிப் போனால் 'புஷ்பா 2' தள்ளிப் போகுமா? | போட்டி இல்லாமல் வரும் ஜிவி பிரகாஷின் 'ரெபல்' | நடிகை அருந்ததி நாயர் விபத்தில் படுகாயம் | விமான நிலையத்தில் விஜய்யை பார்க்க படையெடுத்த கேரளத்து ரசிகர்கள் | தவறாமல் ஜனநாயக கடமை ஆற்றுங்கள் : ஜெயம் ரவி | ஜிம்மில் வெறித்தனமான ஒர்க்கவுட்டில் இறங்கிய ரகுல் ப்ரீத் சிங் | டப்பிங் யூனியன் தேர்தலில் மீண்டும் வெற்றி பெற்ற ராதாரவி |
நடிகர், நடிகைகளிடம் எடுக்கப்படும் எந்த ஒரு பேட்டியாக இருந்தாலும் அதில் கண்டிப்பாக இடம் பெறும் கேள்வி ஒன்று இருக்கும். நடிகர் என்றால் உங்களுக்குப் பிடித்த நடிகை யார் என்றும், நடிகை என்றால் உங்களுக்குப் பிடித்த நடிகர் யார் என்றும் தவறாமல் கேட்பார்கள். அவர்களும் எனக்கு எல்லாரையுமே பிடிக்கும் என பொதுவாக ஒரு பதிலை அள்ளி விடுவார்கள். புதிதாக வரும் நடிகைகளில் ஒரு சிலர் மட்டும், யாருடன் நடிக்க ஆசைப்படுகிறார்களோ அவர்களது பெயரை மட்டும் சொல்லுவதும் வழக்கம். அப்போதுதான் அவர்கள் படங்களில் நடிக்க ஒரு வாய்ப்பாவது கிடைக்குமே என்ற நப்பாசைதான் அதற்குக் காரணம்.
தமிழ் சினிமாவிற்கு வந்தால் கண்டிப்பாக ரஜினிகாந்த், கமல்ஹாசன் பெயரைச் சொல்லி விடுவார்கள். சிலரோ பீல்டில் இல்லாத சிலரது பெயரைச் சொல்லி தப்பித்துக் கொள்வார்கள். தெலுங்குத் திரையுலகில் கண்டிப்பாக சிரஞ்சீவி பெயரைச் சொல்லிவிடுவார்கள். அப்போதுதான் அவர்களது ரசிகர்களையும் நமது ரசிகர்களாக்கிக் கொள்ள முடியும். தெலுங்குத் திரையுலகின் இன்றைய இளம் சூப்பர் ஸ்டாரான மகேஷ் பாபுவிடம் சமீபத்தில் இப்படி ஒரு கேட்கப்பட்டது. அவர் சிறிதும் தயக்கம் இல்லாமல் எல்லா காலத்திலும் எனக்குப் பிடித்த நாயகி ஸ்ரீதேவி தான் என தயங்காமல் பதில் சொல்லியிருக்கிறார்.
மகேஷ் பாபுவின் அப்பா கிருஷ்ணாவுடன் 80களில் ஸ்ரீதேவி பல படங்களில் ஜோடியாக நடித்திருக்கிறார் என்பது குறிப்பிடத்தக்கது. அதில் பல படங்கள் வெற்றிப் படங்கள். இன்றைய ரசிகர்கள் அந்த ஜோடியை இன்றும் தொலைக்காட்சியில் பார்க்கலாம். கலர் கலராக டிரஸ் அணிந்து கொண்டு இருவரும் நடனமாடும் பாடல்கள் பல படங்களில் இடம் பெற்றுள்ளன.
இப்படி ஒரு சாமர்த்தியமான பதிலை அளித்து இன்றைய இளம் நாயகிகளிடமிருந்து தப்பித்துக் கொண்டிருக்கிறார் மகேஷ் பாபு.