Advertisement

சிறப்புச்செய்திகள்

டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

45 லட்சம் சிடிக்கள் அடித்தார்கள்...சூர்யா தந்த அதிர்ச்சித் தகவல்...!

20 ஆக, 2014 - 11:30 IST
எழுத்தின் அளவு:

தமிழ் சினிமாவில் திருட்டு விசிடி என்பதை ஒழிக்க முடியாமல் தமிழ்த் திரையுலகம் திண்டாடிக் கொண்டிருக்கிறது. ஒரு படம் வெளிவந்த அன்றே அப்படத்தின் சிடிக்கள் வெளியாகி படத்தின் வசூலை வெகுவாக பாதிக்கிறது என்பதே நிதர்சனமான உண்மை. ஆனால், அப்படிப்பட்ட திருட்டு விசிடி வியாபாரத்தை முற்றிலுமாக ஒழிக்க இன்னும் எந்த நடவடிக்கையும் எடுக்கப்படாமலே இருந்து வருவதுதான் ஆபத்தான ஒன்று. எந்த புதுப் படம் வெளிவந்தாலும் உடனுக்குடன் சிடிக்கள் வெளியாவது மிகவும் வருத்தத்துக்குரிய விஷயமே. அதே சமயம் திரையரங்குகளில் கட்டண உயர்வு, பார்க்கிங் கட்டண கொள்ளை ஆகியவற்றால்தான் சாதாரண, நடுத்தர மக்கள் யாருமே படம் பார்க்க வருவதில்லை என்ற உண்மையையும் பலர் இன்னும் புரிந்து கொள்ளாமலே இருக்கிறார்கள்.


ஒரு படம் சென்று பார்க்க வேண்டுமானால் குறைந்த பட்சம் 1000 ரூபாய் வரை செலவு ஆவதாக நடுத்தரக் குடும்பத்தினர் தெரிவிக்கிறார்கள். சராசரியாக மாதம் 20000 ரூபாய் வருமானம் உள்ள குடும்பத்தில் ஒரு படத்திற்காக யாரும் 1000 ரூபாய் வரை செலவு செய்ய மாட்டார்கள். அதனால் அவர்கள் வெறும் 20 ரூபாயில் கிடைக்கும் திருட்டு விசிடியைப் பார்த்து திருப்திப்பட்டுக் கொள்கிறார்கள். வீட்டில் இன்டர்நெட் வசதி உள்ளவர்கள் இணையதளங்களிலேயே படத்தைப் பார்த்து விடுகிறார்கள். இதனால் சினிமா தொழில் மிகவும் பாதிக்கப்பட்டு வருவதாக திரையுலகினர் கவலைப்படுகிறார்கள்.


அதே சமயம் முன்னணி ஹீரோக்களின் படங்களைத் திருட்டு விசிடியாக தயார் செய்து கோடிக் கணக்கில் சம்பாதிக்கிறார்கள் என்ற உண்மையும் உள்ளது. சமீபத்தில் அஞ்சான் படத்திற்காக பத்திரிகையாளர்களைச் சந்தித்த சூர்யா, 'சிங்கம் 2' படத்திற்காக 45 லட்சம் திருட்டு விசிடிக்களைத் தயார் செய்து விற்றுள்ளார்கள் என்ற அதிர்ச்சித் தகவலைத் தந்தார். ஒரு சிடியின் விலை சராசரியாக 20 ரூபாய் என்று வைத்துக் கொண்டாலும் அதன் மூலம் கிடைக்கும் வருமானம் மட்டும் சுமார் 9 கோடி ரூபாய். முன்னணி நட்சத்திரம் நடிக்கும் ஒரு படத்தின் பட்ஜெட்டில் ஏறக்குறைய நான்கில் ஒரு பங்கு இந்தத் தொகை. உண்மையிலேயே அந்தத் தொகை படத்தின் தயாரிப்பாளருக்கு வராமல் யார் யாருக்கோ போய்ச் சேருகிறது.


'திருடராய்ப் பார்த்து திருந்தாவிட்டால் திருட்டை ஒழிக்க முடியாது...' என்று இன்னும் எத்தனை நாட்களுக்குத்தான் பாடிக் கொண்டிருப்பது.


Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் மகளையே கேவலப்படுத்துறாங்க : சின்மயி மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)

பேஸ்புக் மூலம் கருத்து தெரிவித்தவர்கள்

Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in