Dinamalar

தங்கச்சி கல்யாணத்துக்காக தங்கப்பதக்கத்தை விற்றேன்! மேடையில் கண்கலங்கிய டி.ஆர்!!

டைரக்டர் டி.ராஜேந்தர் தான் இயக்கும் படங்களில் எப்போது அண்ணன்-தங்கை பாசத்துக்கு முக்கியத்துவம் கொடுப்பார். காரணம், நிஜவாழ்க்கையிலும் அவர் தனது தங்கச்சி மீது அளவற்ற பாசம் கொண்டவராம. அதனால்தான் தான் கல்லூரியில் படித்து வாங்கிய தங்க மெடலைகூட தங்கை கல்யாண செலவுக்காக விற்று விட்டாராம். இதை ஒரு சினிமா விழா மேடையில் சொன்ன டி.ஆர்., நிஜமாலுமே கண்கலங்கி விட்டார். நான் எதையும் நேருக்கு நேர் நெத்தியடியாக பேசக்கூடியவன். அதோடு, எந்த விசயமாக இருந்தாலும் அதில் யதார்த்தம் இருக்க வேண்டும் என்று நினைப்பேன். அதனால்தான் எனது வாழ்க்கையில் நடந்த சம்பவங்களை கதையாக பண்ணுகிறேன்.

அந்த வகையில், தங்கைக்கோர் கீதம் படத்தில் தங்கைக்கு கல்யாணம் நடத்த கஷ்டப்படும் அண்ணனாக நடித்திருப்பேன். அது அனைத்தும் என் வாழ்க்கையில் நடந்த நிஜசம்பவங்களோட கலவைதான். மேலும், என் தங்கைக்கு எப்படி எப்படியெல்லாம் நகை போட்டு கல்யாணம் செய்து கொடுக்க வேண்டும் என்று நான் ஆசைப்பட்டேனோ அதையெல்லாம் ஒரு பாடலில், தங்க நிலவே உன்னை உருக்கி தங்கச்சிக்கு தங்க நகை செஞ்சிடவோ என்று பாடலைத் தொடங்கியிருப்பேன்.

அந்த படத்தைப்பார்த்த என்னைப்போன்ற எத்தனையோ அண்ணன்கள் அந்த படம் திரைக்கு வ்நதபோது தியேட்டர்களில் கண்கலங்கியிருக்கிறார்கள். அந்த அளவுக்கு செண்டிமென்ட் நமக்குள் ஊறி கிடக்கிறது. மேலும், சமீபகாலமாக ரசனை மாறி விட்டது என்று சொல்வதெல்லாம் உண்மையில்லை. இப்போதும் நாம் நாமாகவே இருக்கிறோம். என்னதான் பீட்சாவும், பர்கரும் சாப்பிட்டாலும், இன்னமும் நமக்குள் அப்பா, அம்மா, அண்ணன், தம்பி, அக்கா, தங்கை என்ற பாச உணர்வுகள் அப்படியேதான் இருக்கிறது. அதனால் இப்போதும நல்ல பேமிலி செண்டிமென்டான படங்களை இயக்கினால் கண்டிப்பாக ஓடும்.

அதனால்தான், தற்போது நான் நடித்து வரும் ஒரு தலைக்காதல் படத்தில்கூட காதலுடன் பேமிலி செண்டிமென்டையும் கலந்து கதை பண்ணியிருக்கிறேன் என்று பேசிய டி.ஆர்., இந்த படத்திலும் பாசமிக அண்ணன் வேடத்தில் நான் நடித்து வருகிறேன் என்றார்.

• செய்திகள்

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ரத்னம் படத்திற்கு கட்டப்பஞ்சாயத்து : விஷால் வேதனை
• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது
• 
  நடிகர் மன்சூர் அலிகான் காங்கிரஸ் கட்சியில் இணைகிறார்