Dinamalar

தேசிய விருது பெற்றவருக்கு பாலா படத்தில் இடம் இல்லை!

பாலா கடைசியாய் இயக்கிய படம் - பரதேசி. இப்படம் கடந்த வருடம் வெளியானாலும் 2012 ஆம் வருடத்திலேயே தணிக்கை செய்யப்பட்டது. தணிக்கை செய்யப்பட்டதன் அடிப்படையிலேயே அரசாங்க விருதுகளுக்கு பரிசீலிக்கப்படுவதால், பரதேசி படம் 2012 ஆம் வருடத்தின் படமாக கணக்கில் எடுத்துக்கொள்ளப்பட்டது. 2012 ஆம் வருடத்தின் சிறந்த ஆடை வடிமைப்பாளர் விருது பரதேசி படத்துக்கு கிடைத்தது. அப்படத்தின் ஆடை வடிமைப்பாளரான பூர்ணிமா ராமசாமி தேசிய விருது பெற்றார்.

பரதேசி படத்துக்கோ, அப்படத்தின் இயக்குநரான பாலாவுக்கோ, அதில் சிறப்பாக நடித்த அதர்வாவுக்கோ விருது கிடைக்காமல் ஆடை வடிவமைப்பாளரான பூர்ணிமாவுக்கு விருது கிடைத்தது பற்றி திரையுலகில் பலரும் ஆச்சர்யப்பட்டனர். அது மட்டுமல்ல, ஆடை வடிமைப்பில் எவ்வித அனுபவமும் இல்லாதவர் பூர்ணிமா ராமசாமி. தவிர, பரதேசி படம்தான் அவருக்கு முதல் படம். பிறகு எப்படி பூர்ணிமாவுக்கு தேசிய விருது கிடைத்தது? என்று படத்துறையில் பட்டிமன்றமே நடைபெற்று வந்தது.

பூர்ணிமா காங்கிரஸ் கட்சியின் முக்கிய பிரமுகரான ஈ.வி.கே.எஸ்.இளங்கோவனின் மருமகள் என்பது பலருக்கும் தெரியாது. ஒருவேளை, தெரிந்திருந்தால் ஈ.வி.கே.எஸ்.இளங்கோவன்தான் தன் அரசியல் செல்வாக்கைப் பயன்படுத்தி தன் மருமகளுக்கு தேசிய விருது வாங்கிக் கொடுத்தார் என்று பேசி இருப்பார்கள்.

கடந்த கால கதைகள் இவ்வாறு இருக்க...நிகழ்கால கதைக்கு வருவோம். பரதேசி படத்தில் தேசிய விருது வென்ற பூர்ணிமா ராமசாமிக்கு, பாலா தற்போது இயக்கும் தாரை தப்பட்டை படத்தில் இடமில்லை. செல்வம் என்கிற வேறு காஸ்ட்யூமரை கமிட் பண்ணி இருக்கிறார் பாலா.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்