'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
இயக்குநர் பொன்ராம் - சிவகார்த்திகேயன் இணைந்த வருத்தப்படாத வாலிபர் சங்கம் கடந்த வருடம் வெளியானது. யாருமே, ஏன்... சிவகார்த்திகேயன் உட்பட அப்படத்தில் பணியாற்றிவர்களே எதிர்பார்க்காதவகையில் கடந்த வருடம் வெளியான படங்களிலேயே மிகப்பெரிய வெற்றியடைந்தது வருத்தப்படாத வாலிபர் சங்கம். சுமார் 4 கோடியில் தயாரிக்கப்பட்ட அந்தப் படம் வசூல் செய்தது 25 கோடிக்கு மேல். வருத்தப்படாத வாலிபர் சங்கம் படத்தைத் தயாரித்த எஸ்கேப் ஆர்ட்டிஸ்ட் மதனுக்கு எல்லா செலவுகளும்போக 8 கோடி ரூபாய் நிகர லாபம் கிடைத்தது. இயக்குநர் பொன்ராம் - சிவகார்த்திகேயன் கூட்டணி மீண்டும் இணைவதும், ரஜினி முருகன் என பெயரிடப்பட்டிருக்கும் அந்தப் படத்தை லிங்குசாமி தயாரிக்கிறார் என்பதும் தெரிந்த தகவல்கள்தான். லேட்டஸ்ட் தகவல் என்ன தெரியுமா?
ரஜினி முருகன் படத்தின் ஸ்கிரிட்வொர்க் முடிந்து, படப்பிடிப்புக்கு தயாராகிவிட்டனர். விரைவில் படப்பிடிப்பு தொடங்க உள்ளநிலையில் இன்னமும் கதாநாயகி சிக்கவில்லை என்பதுதான் ஒரே பிரச்சனை. மான் கராத்தே படத்தில் ஹன்சிகா மோத்வானி உடன் நடித்துவிட்ட சிவகார்த்திகேயனுக்கு இந்தப் படத்தில் ஜோடியாக நடிக்க வைக்க நயன்தாரா, காஜல் அகர்வால், சமந்தா ஆகியோரை பரிசீலித்திருக்கிறார்கள். அவர்கள் கேட்ட சம்பளம் தயாரிப்பாளருக்கு அதிர்ச்சியை ஏற்படுத்திவிட்டதாம்.
அது மட்டுமல்ல, கதாநாயகிக்கு இத்தனை கோடி சம்பளம் கொடுத்தால் பட்ஜெட் எகிறுவிடும் என்று தயக்கம் காட்டியதாம் தயாரிப்பாளர் தரப்பு. அதன் பிறகு நடைபெற்ற ஆலோசனையில் சிவகார்த்திகேயனுக்கு ஜோடியாக புதுமுக நடிகையை கதாநாயகியாக அறிமுகப்படுத்தலாம் என்று முடிவெடுத்துள்ளனர். இப்படியொரு முடிவுக்கு வந்த பின் பி.ஆர்.ஓ.க்கள் மூலம் நிறைய பெண்களை வரவழைத்து பார்த்துள்ளனர். வந்த பெண்கள் இயக்குநருக்கு அவ்வளவாக திருப்தி இல்லை. எனவே, சிவகார்த்திகேயனுக்கு ஜோடியாக நடிக்க கதாநாயகி நடிகை தேவை என்று ஒரு விளம்பரத்தை வெளியிட்டுள்ளனர்.