டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
கோலிவுட், நமீதாவை சுத்தமாக கைகழுவி விட்டது. இருப்பினும் அவர் கோடம்பாக்கத்தை விட்டு வெளியேறுவதாக இல்லை. குஜராத்தைச் சேர்ந்தவராக இருந்தாலும் நான் இப்போது தமிழச்சியாகி விட்டேன் என்று கூறியபடி, கடை திறப்பு விழா, நடன நிகழ்ச்சிகள் என்று தனது பொழுதை கழித்து வருகிறார்.
இந்த நிலையில், தற்போது மார்க்கெட் தள்ளாடிக்கொண்டிருப்பதால், பிந்து மாதவியும் நமீதாவுக்கு போட்டியாக கடை திறப்பு விழாக்களில் கலந்து கொண்டு ரிப்பன் கட் பண்ணுவதில் ஆர்வம் காட்டி வருகிறார். காரணம் அவர் கடைசியாக நடித்த ஒரு கன்னியும் மூன்று களவாணிகளும் படம் தோல்வியடைந்து விட்டதால் அடுத்தபடியாக ஏறுமுகத்தில் செல்லும் என எதிர்பார்த்திருந்த பிந்துவின் மார்க்கெட் இறங்கி விட்டது.
கைவசம், கலக்குறே மாப்ளே, வசந்தகுமாரன், தமிழுக்கு எண் ஒன்றை அழுத்தவும் ஆகிய படங்கள் இருந்தபோதும், படங்களின் மித வேகம் காரணமாக படப்பிடிப்பே இல்லாமல் அடிக்கடி ஆந்திராவுக்கு சென்று விடுகிறார் பிந்து மாதவி. மேலும், இந்த ஓய்வு நேரத்தில் ஏதாவது மீட்டர் ஓடிக்கொண்டிருந்தால்தானே நாலு காசு பார்க்க முடியும் என்று தனக்கு தெரிந்த சினிமா மேனேஜர்கள் அனைவரிடமும் இந்த விசயத்தை பாஸ் பண்ணியுள்ள அவர், நல்ல கமிசன் தருவதாகவும் கூறியிருக்கிறார்.
குறிப்பாக, நமீதாவை விட 10 மடங்கு ஜாஸ்தியாக தருவதாக உறுதி அளித்துள்ளாராம். இதனால், நமீதாவை கடை திறப்பு விழாக்களுக்கு புக் பண்ணி வந்த மேனேஜர்கள்கூட இப்போது பிந்து மாதவியின் கட்சிக்கு தாவி விட்டனர். திடுதிப்பென்று தனது கல்லாவை பிந்து மாதவி காலி பண்ணி விட்டதால செம கடுப்பில் இருக்கிறார் நமீதா.