Dinamalar

தமிழ் 'த்ரிஷ்யம்' அடுத்த மாதம் ஆரம்பம்...!

மோகன்லால், மீனா நடித்த 'த்ரிஷ்யம்' திரைப்படத்தை மற்ற மொழிகளில் ரீமேக் செய்ய அமோகமாக விற்கப்பட்டு, கன்னடத்தில் தயாராகி வெளிவந்து மாபெரும் வெற்றி பெற்றுவிட்டது. தெலுங்கில் விரைவில் வெளியாக உள்ளது. தமிழில் கமல்ஹாசன் நடிக்க இருப்பதால் படப்பிடிப்பு ஆரம்பமாக தாமதமாகிவிட்டது. கமல்ஹாசன், தற்போது “விஸ்வரூபம் 2, உத்தம வில்லன்' படங்களில் நடித்துக் கொண்டிருப்பதால் அந்தப் படங்களின் பணி முடிந்த பிறகு ஆரம்பிக்கலாம் என்று இருந்தனர்.

இப்போதுத அந்த இரண்டு படங்களின் வேலைகள் முடிவடையும் நிலையில் வந்துவிட்டதால் தமிழில் 'த்ரிஷ்யம்' படத்தைத் தயாரிக்கும் வேலைகளில் மும்முரமாக இறங்கிவிட்டனர். தெலுங்கு ரீமேக்கை நடிகை ஸ்ரீப்ரியா இயக்க, கன்னட ரீமேக்கை பி.வாசு இயக்க, தமிழ் ரீமேக்கை மலையாளத்தில் இயக்கிய ஜீத்து ஜோசப்பே இயக்குகிறார். கமல்ஹாசன் அவர் இயக்கியனால் நன்றாக இருக்கும் என்று கேட்டுக் கொண்டதற்கிணங்க ஜீத்து இந்த படத்தை இயக்குகிறார்.

கமலுக்கு ஜோடியாக யார் நடிக்கப் போகிறார்கள் என்பது இன்னும் சில நாட்களில் முடிவு செய்யப்பட உள்ளதாம். முதலில் கௌதமி நடிக்கப் போகிறார் என்றே செய்திகள் வெளிவந்தன. ஆனால், அது இன்னும் உறுதியாகவில்லை. ஒரு குடும்பப் பாங்கான கதையாகவும், அதே சமயம் பரபரப்பான த்ரில்லராகவும் இருப்பதால் இந்தப் படம் மலையாளத்தில் பெற்ற வெற்றியை மற்ற மொழிகளிலும் பெறும் என்று எதிர்பார்க்கின்றனர். அதை கன்னட ரீமேக்கின் வெற்றியும் உறுதி செய்துவிட்டது. நீண்ட இடைவெளிக்குப் பிறகு கமல்ஹாசன் அவருடைய வயதுக்குரிய கதாபாத்திரத்தில் இந்த படத்தில் நடிக்கப் போகிறார் என்பது கூடுதல் தகவல்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்