Dinamalar

ஜப்பானில் இங்கிலீஷ் விங்கிலீஷ்…பிரதமரின் மனைவி ரசித்தார்…!

நீண்ட இடைவெளிக்குப் பிறகு ஸ்ரீதேவி நடித்த 'இங்கிலீஷ் விங்கிலீஷ்' படம் உலகம் முழுவதும் பல மொழிகளில் டப் செய்யப்பட்டு வெளியிடப்பட்டு வருகிறது. அந்த வரிசையில் தற்போது ஜப்பான் மொழியிலும் டப் செய்யப்பட்டு வெளியிடப்பட உள்ளது. அந்த படத்தின் பிரீமியர் காட்சியில் கலந்து கொள்வதற்காக நடிகை ஸ்ரீதேவி அவரது குடும்பத்தாருடன் ஜப்பான் புறப்பட்டுச் சென்றார்.

கடந்த மாதம் 29ம் தேதி ஜப்பானில் நடைபெற்ற 'இங்கிலீஷ் விங்கிலீஷ்' படத்தின் சிறப்புக் காட்சியில் ஜப்பான் நாட்டு பிரதமரின் மனைவி அக்கி அபே மற்றும் பிரபல பாடகியான அக்னஸ் சான் ஆகியோர் கலந்து கொண்டு படத்தைப் பார்த்து ரசித்துள்ளனர். இந்த படம் ஜப்பான் முழுவதும் 33 திரையரங்குகளில் இந்த மாதம் 28ம் தேதி வெளியாக உள்ளது.

உலகம் முழுவதும் உள்ள அவரவர் தாய் மொழியைப் பேசும் மக்கள் ஆங்கிலம் கற்க முயல்வதும், அதைப் பேச முயல்வதும் உலகளாவிய ஒரு விஷயமாக இருந்து வருகிறது. அது இந்த படத்தில் இருப்பதால் எந்த மொழியில் டப் செய்து வெளியிட்டாலும், அனைத்து இடங்களிலுமே வரவேற்பைப் பெறும் வாய்ப்புள்ளது என விமர்சகர்கள் கருதுகிறார்கள்.

ஸ்ரீதேவி முதன்மை கதாபாத்திரத்தில் நடித்துள்ள இந்த படத்தில் தமிழ் நடிகை பிரியா ஆனந்த்தும் ஒரு முக்கிய கதாபாத்திரத்தில் நடித்துள்ளார். அஜித் ஒரே ஒரு காட்சியில் சிறப்புத் தோற்றத்தில் நடித்துள்ளார். உலகம் முழுவதும் வெளியாகி வரும் இந்த படத்தில் தமிழ் நடிகர்களும் உலகப் புகழ் பெற்று வருகிறார்கள். ரஜினிகாந்திற்குப் பிறகு நடிகை ஸ்ரீதேவிக்கும் ஜப்பான் நாட்டில் நல்ல வரவேற்பு உள்ளது என்கிறார்கள்.

• 
  'கல்கி'யில் அஸ்வத்தாமாவாக நடிக்கும் அமிதாப்
• 
  மீண்டும் பிஸியாகிறார் நித்தி அகர்வால்
• 
  'குரங்கு பெடல்' 80ஸ் கிட்ஸின் கதை : கமலக்கண்ணன்
• 
  மே 17ல் வருகிறார் சத்யபாமா
• 
  பிளாஷ்பேக் : ஜானகியை காத்த ராமன்

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்