தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
இந்தித் திரையுலகில் தற்போது அதிகமாகப் பேசப்பட்டு வரும் ஒரு படம் 'ஹம்ஷகல்ஸ்'. சஜித் கான் இயக்கத்தில், சைப் அலிகான், ரிதேஷ் தேஷ்முக், ராம் கபூர், தமன்னா, பிபாஷா பாசு, இஷா குப்தா மற்றும் பலர் நடிக்கும் இந்த படம் ஒரு முழு நீள நகைச்சுவைப் படமாக உருவாகி வருகிறது. படத்தில் ஒரு பாடல் காட்சியில் ஹீரோக்களான சைப், ரிதேஷ், ராம் ஆகியோர் பெண் வேடங்களில் தோன்றுகிறார்கள். இதன் புகைப்படங்கள் பத்திரிகைகளில் வெளிவந்து பலத்த கமெண்ட்டுகளை அள்ளி வருகின்றன. சைப் அலிகானின் பெண் தோற்றத்தைப் பார்த்து அவரது மனைவியும் நடிகையுமான கரீனா கபூர் பொறாமைப்பட்டதாகவும் செய்திகள் வெளியாகின. ரிதேஷ் தேஷ்முக்கின் மனைவியும் நடிகையுமான ஜெனிலியா கூட கணவரின் பெண் தோற்றத்தைப் பார்த்து பாராட்டினாராம்.
அந்த குறிப்பிட்ட பாடல் காட்சிக்காக மனைவி ஜெனிலியாவின் உடையைத்தான் தான் அணிந்ததாக கூறியுள்ளார் ரித்தேஷ். “அந்த குறிப்பிட்ட பாடல் காட்சியில் பெண் வேடத்தில் நடித்த போது எனது மனைவியின் 'ஸ்கர்ட்'டைத்தான் அணிந்து நடித்தேன். என் மனைவி ஜெனிலியாவிடம் அவரது உடை வேண்டுமென்று கேட்டேன். அவரும் அதற்கு சம்மதித்து அவருடைய உடையைத் தந்து உதவினார்,” என்று கூறியுள்ளார்.
இந்த படம் அனைத்து ரசிகர்களையும் கண்டிப்பாக சிரிக்க வைக்கும் என்கிறார் இயக்குனர் சஜித் கான். இவர் இதற்குமுன் இயக்கிய 'ஹிம்மத்வாலா' படுதோல்வி அடைந்த ஒரு படமாகும். அந்த படம் தோல்வியடைந்ததும் நல்லதுதான். அதன் பின்தான் என்னிடம் பல மாற்றங்கள் நடந்தது. கோபத்தைக் குறைத்துக் கொண்டு சின்சியராக உழைக்க ஆரம்பித்துள்ளேன்,'' எனச் சொல்கிறார் சஜித்கான்.