புதுவீட்டில் பிறந்தநாள் கொண்டாடிய ரச்சிதா | 12,000 பேர் பங்கேற்ற ஆடிஷன் : பட்டய கிளப்ப வருது ‛சரி க ம ப' சீசன் 4 | அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம் | 'அமரன்' நிஜ கதாநாயகனுக்கு அஞ்சலி செலுத்திய இயக்குனர் | தன் படங்களின் அப்டேட் கொடுத்த ஜிவி பிரகாஷ்குமார் | 'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா? | நடிகை தமன்னாவுக்கு மும்பை சைபர் கிரைம் சம்மன் | ரீ-ரிலீஸ் படங்களால் யாருக்கு லாபம்? | விஜய் கையில் காயம் : ரசிகர்கள் வருத்தம் | ரச்சிதா பிறந்தநாளில் வெளியான ‛பயர்' முன்னோட்ட வீடியோ |
தற்போது தமிழ் சினிமாவில் இசையமைத்து வருபவர்களில் டி.இமான் குறிப்பிடத்தக்கவர். சமீபகாலமாக இவர் தொடுகிற டியூனெல்லாமே ஹிட்டாகி வருகிறார். அந்தவகையில், சின்ன படம், பெரிய படம் என்பதில்லாமல், அனைத்து படங்களுக்கும் ஒரே மாதிரியான உழைப்பை செலுத்தி, படத்துக்குப்படம் ஹிட் பாடல்களை கொடுத்து முன்வரிசையில் வந்து அமர்ந்திருக்கிறார் இமான். விஜய் நடித்த தமிழன் படத்தில் இசையமைப்பாளராக அறிமுகமான இவர், அதன்பிறகு விஜய் படங்களுக்கு இசையமைக்கும் வாய்ப்பினையே பெறவில்லை. 10 ஆண்டுகளுக்குப்பிறகு சமீபத்தில் ஜில்லாவுக்கு இசையமைத்து மீண்டும் விஜய்யுடனான நட்பை புதுப்பித்துக்கொண்டார் இமான்.
மேலும், சிலரைப்போன்று தனது இசையில் முன்னணி பாடகர்-பாடகிகள்தான் பாட வேண்டும் என்றும் அவர் நினைப்பதில்லை. வித்தியாசமான குரலாக இருந்தால் போதும் அது பட்டிதொட்டிகளில் பாடிக்கொண்டு இருப்பவர்களாக இருந்தாலும் அவர்களை தேடிப்பிடித்து கூட்டி வந்த சான்ஸ் கொடுக்கிறார் இமான். அதோடு, விஜய் டிவி போன்ற சேனல்களில் நடைபெறும் இசை நிகழ்ச்சிகளில் கலந்து கொள்ளும்போது அங்கு பாடும் பாடகர்-பாடகிகளின் குரல் இனிமையாக இருந்தால் அவர்களை அழைத்து வந்து சான்ஸ் கொடுத்து பாடகர்களாக்கி விடுகிறார்.
அதனால், இப்போது டி.இமானின் இசைக்கூடாரத்தை நோக்கி இளவட்ட பாடகர்-பாடகிகளின் படையெடுப்பு நாளுக்கு நாள் அதிகரித்துக்கொண்டேயிருக்கிறது. அதேசமயம், முன்னணி பாடகர்கள், இப்படி புதியவர்களுக்கு இமான் சான்ஸ் கொடுத்து வருவதால் தங்களுக்கான வாய்ப்புகளை குறைத்து விட்டாரே என்று அவர் மீது உள்ளூர அதிருப்தியில் உள்ளனர்.