இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
ஏறக்குறைய ஏழு ஆண்டுகளாக ஸ்டார்ட் கட் சொல்வதை மறந்திருந்த நடிகர் அர்ஜுன் ஜெய்ஹிந்த் - 2 படம் மூலம் மீண்டும் ஸ்டார்ட் கட் சொல்கிறார். 1992 ஆம் ஆண்டு சேவகன் படத்தின் மூலம் இயக்குநரானவர் அர்ஜுன். அப்படம் வெற்றியடைந்ததை அடுத்து பிரதாப், ஜெய்ஹிந்த், தாயின் மணிக்கொடி, வேதம், ஏழுமலை உட்பட சில படங்களை இயக்கினார். கடைசியாக இவர் இயக்கிய மதராஸி படம் 2006 ஆம் ஆண்டு வெளிவந்தது, தோல்வியடைந்தது. எனவே டைரக்ஷனை மறந்துவிட்டு நடிப்பில் கவனம் செலுத்தி வந்தார் அர்ஜுன்.
அவருக்கு, அவர் நடித்த படங்களும் கைகொடுக்கவில்லை. கடைசியாக அவர் நடிப்பில் வெளியான மூன்று பேர் மூன்று காதல் படமும் தோல்வியைத்தழுவியது. எனவே மீண்டும் இயக்குநர் நாற்காலியில் அமர முடிவெடுத்த அர்ஜுன், ஏறக்குறைய ஏழு ஆண்டுகள் இடைவெளிக்குப் பிறகு ஜெய்ஹிந்த் -2 படத்தை இயக்கி வருகிறார். தமிழ், தெலுங்கு, கன்னடம் ஆகிய மூன்று மொழிகளிலும் 20 கோடி ரூபாய் செலவில் இப்படத்தைத் தயாராக உள்ளதாம்.
ஜெய்ஹிந்த் - 2 படத்தைப் பற்றி அர்ஜுனிடம் கேட்டபோது, தற்போதைய கல்வி முறையையும், அதன் குறைபாடுகளையும் சொல்லும் படமாக இப்படம் இருக்கும். அப்துல் கலாம் அவர்களின் கனவான அனைவருக்கும் கல்வி, இந்தியாவை சூப்பர் பவராக்கும் திட்டம் ஆகியவற்றை இப்படம் பிரதிபலிக்கும். ஜெய்ஹிந்த் - 2 படத்திற்கும், இதன் முதல் பாகத்திற்கும் எந்தத் தொடர்பும் கிடையாது. இது முற்றிலும் வித்தியசமானதாக இருக்கும். சென்னை, மும்பை, டில்லி, மற்றும் வெளிநாட்டிலும் இப்படம் படமாக்கப்பட உள்ளது - என்று சொல்கிறார் அர்ஜுன்.
இந்தப் படத்தை பத்திரிகையாளர்களுக்கும், முன்னாள் குடியரசுத் தலைவர் அப்துல் கலாமுக்கும் சமர்ப்பிக்க இருக்கிறாராம் அர்ஜுன்.