Advertisement

சிறப்புச்செய்திகள்

டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

ஹீரோக்களின் இரட்டைவேட மோகம் - ஸ்பெஷல் ஸ்டோரி!

10 மே, 2014 - 17:23 IST
எழுத்தின் அளவு:

தமிழ் சினிமாவில் ஹீரோக்கள் இரட்டைவேடம் போடுவது சினிமாவின் தொடக்க காலத்திலிருந்தே நடந்து வருகிறது. அபூர்வ சகோரர்கள், நாடோடி மன்னன், நீரும் நெருப்பும், உத்தம புத்திரன், உலகம் சுற்றும் வாலிபன் என காலத்தால் அழிக்க முடியாத இரட்டைவேட காவியங்கள் இருக்கிறது. இது எப்போதாவதுதான் நடக்கும். ஆனால் சமீபகாலமாக ஹீரோக்களின் இரட்டைவேட மோகம் அதிகரித்திருக்கிறது. தற்போது டாப் ஹீரோக்கள் நடித்து வரும் படங்கள் இரட்டைவேட படமாகத்தான் இருக்கிறது. அல்லது இரண்டு கெட்அப்பிலாவது வருகிற படங்களாத்தான் இருக்கிறது. அது பற்றிய ஒரு கண்ணோட்டம்.


ரஜினி


பில்லாவில் தொடங்கியது ரஜியின் இரட்டைவேட பயணம். அதன் பிறகு ஜானி, நெற்றிக்கண், வீரா என அவ்வப்போது இரட்டை வேடங்களில் நடித்தார். சமீபத்தில் எந்திரன் படத்தில் நடித்தார். தற்போது வெளிவர இருக்கும் கோச்சடையானிலும் ரஜினி இரட்டை வேடம்தான். கோச்சடையான் என்ற அப்பாவாகவும், ராணா என்ற மகனாகவும் நடிக்கிறார். அடுத்து நடித்துக் கொண்டிருக்கும் லிங்கா படத்தில் ஊருக்கு உழைக்கும் பெரிய மனுஷன், அடிதடியில் இறங்கும் தாதா என இரட்டை வேடத்தில் நடிக்கிறார்.


கமல்


கமலுக்கு இரட்டை வேடம் ஒன்றும் புதிதில்லை. இன்னும் சொல்லப்போனால் அதிகமாக இரட்டை வேடங்களில் நடித்தவர் கமல்தான். கல்யாணராமன், குரு, கடல் மீன்கள, தூங்காதே தம்பி தூங்காதே, எனக்குள் ஒருவன், ஒரு கைதியின் டயரி, புன்னகை மன்னன், அபூர்வ சகோதரர்கள், இந்தியன் இப்படி நிறைய படங்கள் அவர் கேரியரில் உண்டு. சமீபகாலமாக இரட்டை வேடத்தில் நடித்திராத கமல் தற்போது நடித்து வரும் உத்தம வில்லன் படத்தில் இரண்டு வேடத்தில் நடிக்கிறார். ஒருவர் 19ம் நூற்றாண்டில் வரும் தெருக்கூத்து கலைஞர். இன்னொருவர் நிகழ்கால சினிமா நடிகர்.


அஜீத்


வாலி, சிட்டிசன், வில்லன், அட்டகாசம், பில்லா-2, அசல் படங்களில் அஜீத் இரட்டை வேடத்தில் நடித்துள்ளார். தற்போது அவர் கவுதம் மேனன் இயக்கும் படத்திலும் இரட்டை வேடம் என்கிறார்கள். ஆனால் அதனை முறைப்படி அறிவிக்கவில்லை. ரகசியமாக வைத்திருப்பதாக கூறப்படுகிறது.


விஜய்


விஜய் தன் கேரியரில் இரட்டை வேடங்களில் அதிகம் நடித்ததில்லை. அழகிய தமிழ் மகன் படத்தில் நடித்திருந்தார். சில படங்களில் இரண்டு கெட்அப்களில் நடித்திருக்கிறார். தற்போது ஏ.ஆர்.முருகதாஸ் இயக்கத்தில் நடித்து வரும் கத்தி படத்தில் இரட்டை வேடம். செய்யாத குற்றத்திற்காக சிறையில் இருக்கும் அண்ணனாகவும், அவரைக் காப்பாற்றும் தம்பியாகவும் நடித்து வருகிறார்.


சூர்யா


சூர்யாவுக்கும் இரட்டை வேடம் புதிதல்ல. பேரழகன், வேல், வாரணம் ஆயிரம், 7ம் அறிவு, மாற்றான் படங்களில் இரட்டை வேடத்தில் நடித்தார். அதிலும் குறிப்பாக மாற்றான் படத்தில் ஒட்டிப்பிறந்த இரட்டையர்களாகவே நடித்தார். தற்போது லிங்குசாமி இயக்கத்தில் நடித்து வரும் அஞ்சான் படத்தில் சாப்ட்வேர் என்ஜினீயர், அண்டர்கிரவுண்ட் தாதா என்ற இரண்டு வேடங்களில் நடித்து வருகிறார்.


சரத்குமார்


கமலுக்கு அடுத்தபடியாக அதிக இரட்டை வேடங்களில் நடித்திருப்பவர் சரத்குமார் நாட்டாமை, நம்ம அண்ணாச்சி, அய்யா, சூரிய வம்சம், அரசு, வைத்தீஸ்வரன், 1977 உள்பட பல படங்களில் நடித்திருக்கிறார். அவர் நடித்து பாதியில் நிற்கும் விடியல் படத்திலும் இரட்டை வேடம்தான். இப்போது ஏ.வெங்கடேஷ் இயக்கத்தில் நடிக்க இருக்கும் சண்டமாருதம் படத்திலும் வில்லன், ஹீரோ என் இரண்டு வேடங்களில் நடிக்கிறார்.


வடிவேலு


வடிவேலு ஹீரோவாக அறிமுகமான இம்சை அரசன் 23ம் புலிகேசி படத்திலேயே இரட்டை வேடத்தில் நடித்தார். அதன் பிறகு வெளிவந்த இந்திரலோகத்தில் நான் அழகப்படன் படத்திலும், சமீபத்தில் வெளிவந்த தெனாலிராமன் படத்திலும் இரட்டை வேடத்தில் நடித்தார். அடுத்தும் அவர் யுவராஜ் தயாளன் இயக்கத்தில் நடிக்க இருக்கும் படத்திலும் இரட்டை வேடம்தான். 18ம் நூற்றாண்டு மனிதனாகவும், இன்றையகால மனிதனாகவும் நடிக்கிறார்.


இதுபோல இன்னும் பலரும் இரட்டை வேடங்களில் நடித்துக் கொண்டிருக்கிறார்கள். எல்லாகட்டத்திலும் ஹீரோக்கள் இரட்டை வேடத்தில் நடித்திருந்தாலும் ஒரே நேரத்தில் எல்லா ஹீரோக்களும் இரட்டை வேடத்தில் நடிப்பது இதுதான் முதல் முறை.


Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் 2021 - தமிழ் சினிமாவின் பாதை மாறுமா? ; காத்திருக்கும் சவால்கள்! 2021 - தமிழ் சினிமாவின் பாதை மாறுமா? ; ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)

பேஸ்புக் மூலம் கருத்து தெரிவித்தவர்கள்

Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in