Dinamalar

நடன நிகழ்ச்சிகளுக்கு நடுவராக இருப்பது ஏன்? ராதா விளக்கம்

80களில் ஒவ்வொரு தமிழ் ரசிகனையும் தன் அழகால் கட்டிப்போட்டவர் ராதா. தென்னிந்திய சினிமாவில் பத்து ஆண்டுகள் அசைக்க முடியாத கனவு கன்னியாக வலம் வந்தவர். தென்னிந்திய மொழிகளில் 300க்கும் மேற்பட்ட படங்களில் நடித்தவர். அவரது வாரிசுகள் துளசியும், கார்த்திகாவும் நடிக்க ஆரம்பித்து விட்டார்கள். ராதாவுக்கு அம்மா, அத்தை கேரக்டர்கள் வரிசை கட்டி நிற்கிறது. ஆனாலும் ராதா அவைகளை ஒப்புக் கொள்ளாமமல் வாரத்திற்கு மூன்று நாட்கள் மும்பையிலிருந்து பறந்து வந்து தொலைக்காட்சி நடன நிகழ்ச்சிகளுக்கு நடுவராக இருந்து விட்டு மீண்டும் மும்பைக்கு பறந்து விடுகிறார்.

ஏன் இந்த மாற்றம் என்பதற்கு ராதா அளித்துள்ள விளக்கம் இது... "நடிக்க வர்றதுக்கு முன்னாடியே டான்சுன்னா எனக்கு வெறி. பைத்தியம் பிடிக்கிற அளவுக்கு ஈர்ப்பு. சினிமாவில் நடிக்க வந்ததே பாட்டுக்கு டான்ஸ் ஆடலாமே என்பதற்காகத்தான். அந்த வேகமும், ஆர்வமும் இப்போதும் குறையவில்லை. அதனால்தான் நடிப்பதை விட இந்த நிகழ்ச்சியில் என்னால் முழுமனதோடு ஈடுபட முடிகிறது. என்னை விட பிரமாதமான டான்சர்களை என் கண்முன்னால் பார்க்கிறேன். நான் நடித்த பாடல் காட்சிகளை அவர்கள் ஆடும்போது பழைய நினைவுகளில் மூழ்கிவிடுகிறேன்.

நடனம் பற்றிய அடிப்படையான விஷயங்களோடு உள்ளே வந்து நல்ல டான்சர்களாக வெளியேறும் அற்புத நிகழ்ச்சி இது. அவர்களின் வளர்ச்சிக்கு என்னோட விமர்சனமும், மதிப்பீடும் ஒரு காரணமாக இருக்கிறது என்பதால் உளப்பூர்வமான சந்தோஷம் கிடைக்கிறது. மும்பையிலிருந்து இந்த நிகழ்ச்சிக்காக கிளம்பி வரும்போது சொந்த ஊருக்கு வருவதைப்போல உணர்கிறேன்" என்கிறார் ராதா.

• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்
• 
  தமிழில் ஒளிபரப்பாகும் சன்னி லியோனின் ‛ஸ்ப்ளிட்ஸ்வில்லா எக்ஸ்' ...
• 
  ஏ.ஆர்.முருகதாஸ் - சல்மான்கான் படத்தின் தலைப்பு வெளியானது

• 
  புதிய தொழில் தொடங்கினார் நிஷா
• 
  ஹீரோயினே வராமல் கிளைமாக்ஸ் காட்சி! என்ன ஆச்சு ரேஷ்மாவுக்கு?
• 
  ஹிட் சீரியலிலிருந்து விலகிய ரிஹானா! அவரே சொன்ன காரணம்
• 
  தில்லானா மோகனாம்பாள், வீரா, லவ் டுடே - தமிழ் புத்தாண்டு சிறப்பு ஞாயிறு ...
• 
  பாண்டியன் ஸ்டோர்ஸ் தொடரிலிருந்து விலகலா? - ரவிச்சந்திரன் பேட்டி