Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

லிங்கா படப்பிடிப்பிற்கு கர்நாடகாவில் எதிர்ப்பு வலுக்கிறது: ரஜினி அதிர்ச்சி

04 மே, 2014 - 11:34 IST
எழுத்தின் அளவு:

சூப்பர் ஸ்டார் ரஜினி நடிக்கும் புதிய படம் லிங்கா. இதில் அவருடன் அனுஷ்கா, சோனாக்ஷி சின்ஹா நடிக்கிறார்கள். ஏ.ஆர்.ரகுமான் இசை அமைக்கிறார். கே.எஸ்.ரவிகுமார் இயக்குகிறார். ரஜினியின் நண்பர் ராக்லைன் வெங்கடேஷ் தயாரிக்கிறார். இதன் படப்பிடிப்புகள் கடந்த 2ந் தேதி மைசூரில் உள்ள சாமுண்டீஸ்வரி கோவிலில் தொடங்கியது. கர்நாடக வீட்டுவசதித்துறை அமைச்சரும், நடிகருமான அம்ரிஷ் தொடங்கி வைத்தார்.

40 நாள் படப்பிடிப்பு

பூஜையைத் தொடர்ந்து மைசூரில் உள்ள அரண்மணை மற்றும் அங்கு போடப்பட்டுள்ள ஷெட்டுகளில் தொடர்ந்து 20 நாட்கள் படப்பிடிப்பு நடத்த திட்டமிடப்பட்டுள்ளது. அதை தொடர்ந்த 20 நாட்கள் ராம்நகர், மாண்டியா, மாவட்டங்களில் உள்ள பகுதிகளில் படப்பிடிப்பு நடத்த திட்டமிடப்பட்டுள்ளது. இதற்கான ஏற்பாடுகளை தயாரிப்பாளர் ராக்லைன் வெங்கடேஷ் செய்துள்ளார்.

சோனாக்ஷி சின்ஹா

முதல்கட்ட படப்பிடிப்பில் ரஜினியுடன் சோனாக்ஷி சின்ஹா நடிக்கிறார். இதற்காக அவர் மைசூர் வந்தார். நேற்று (மே 3) படப்பிடிப்புக்கு வந்த அவர் ரஜினியின் காலில் விழுந்து வணங்கி ஆசீர்வாதம் பெற்று விட்டு மேக்அப் போட்டு ரஜினியுடன் நடித்தார்.

எதிர்ப்பு

இந்த நிலையில் லிங்கா படத்தின் படப்பிடிப்பை கர்நாடக மாநிலத்தில் நடத்த எதிர்ப்பு கிளம்பி வருகிறது. காவிரி பிரச்னையில் ரஜினி தமிழ்நாட்டுக்கு ஆதரவான நிலைப்பாட்டை கொண்டிருப்பதாலும், காவிரி பிரச்னை போராட்டத்தில் கலந்து கொண்டதாலும் அவரின் படப்பிடிப்புகளை இங்கு நடத்த விடமாட்டோம் என்று சில கர்நாடக அமைப்புகள் அறிவித்திருக்கிறது. நேற்று ராம்நகர் மாவட்ட ஆட்சித் தலைவர் அலுவலகம் முன்பு கஸ்தூரி கர்நாடக ஜனபிரவேதிகே என்ற அமைப்பினர் ஆர்ப்பாட்டம் நடத்தினர்.

ரஜினி உருவ பொம்மை எரிப்பு

இந்த ஆர்ப்பாட்டத்தில் ரஜினியின் உருவ பொம்மையை எரித்தனர். ரஜினிக்கு எதிராகவும், தயாரிப்பாளர் ராக்லைன் வெங்கடேசுக்கு எதிராகவும் கோஷம் எழுப்பினார். அதனை போலீசார் வேடிக்கை பார்த்துக் கொண்டு இருந்தனர்.

இந்த ஆர்ப்பாட்டத்துக்கு தலைமை வகித்த ரமேஷ் கவுடா பேசியதாவது: தன்னை கன்னடர் என்று சொல்லிக் கொள்ளும் ரஜினி கன்னட மக்களுக்காக எதையும் செய்ததில்லை. எங்களுக்கு எதுவும் செய்யாவிட்டாலும் பரவாயில்லை. எதிர்ப்பாவது செய்யாமல் இருக்கலாமே. காவிரி பிரச்னையில் கர்நாடகாவையும், 6 கோடி கன்னடர்களையும் கடுமையாக தாக்கி பேசினார். காவேரி, ஒக்கேனக்கல் பிரச்னைகளில் கர்நாடகாவுக்கு எதிராக நிற்கிறார். இதனால் ரஜினியின் படப்பிடிப்பை கர்நாடகாவின் எந்த ஒரு இடத்திலும் நடத்த விட மாட்டோம். மீறி நடத்தினால் போராட்டம் நடத்துவோம்.

இவ்வாறு அவர் பேசினார்.

போலீஸ் பாதுகாப்பு

படப்பிடிப்புக்கு எதிரான போராட்டங்களை தொடர்ந்து மைசூரில் நடந்து வரும் லிங்கா படப்பிடிப்பிற்கு 100க்கும் மேற்பட்ட போலீசார் பாதுகாப்பிற்காக குவிக்கப்பட்டுள்ளனர். இந்த போராட்டம் ரஜினிக்கு அதிர்ச்சியை ஏற்படுத்தி உள்ளதாகவும், என்றாலும் தொடர்ந்து இங்கு படப்பிடிப்பபை நடத்துவதில் அவர் உறுதியாக இருப்பதாகவும் தயாரிப்பு வட்டாரங்கள் தெரிவிக்கின்றன.

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் மகளையே கேவலப்படுத்துறாங்க : சின்மயி மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)

பேஸ்புக் மூலம் கருத்து தெரிவித்தவர்கள்

Advertisement
Advertisement
இதையும் பாருங்க !

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in