தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
உலகம் முழுவதும் உள்ள குட்டீஸ் ஆவலுடன் எதிர்பார்த்துக் கொண்டிருக்கும் படம் அமேசிங் ஸ்பைடர் மேன் 2. கொலம்பியா பிக்சர்ஸ் நிறுவனம் சுமார் 2 ஆயிரம் கோடி ரூபாய் செலவில் உருவாக்கி உள்ள இந்தப் படத்தை இந்தியாவில் சோனி நிறுவனம் வெளியிடுகிறது.
முதல் பாகத்தில் ஸ்டைபர் மேன் பீட்சா கம்பெனியில் ஹோம் டெலிவரி பாயாக வேலை செய்தார். 2ம் பாகத்தில் யுனிவர்சிட்டியில் படிக்கிறார். ஸ்பைடர் மேனாக ஆண்ட்ரீவ் கேர்பில்டு நடித்திருக்கிறார். உடன் படிக்கும் மாணவியாகவும், காதலியாகவும் எம்மா ஸ்டோன் நடித்துள்ளார். 2ம் பாகத்தில் ஸ்பைடர் மேனின் வில்லன் நிஜமான பவர் ஸ்டார். ஆம் மின்சாரத்தை உறிஞ்சிக் குடித்து மின்சாரத்தை வெளியிட்டு மக்களை அழிப்பவன். ஒரு சிட்டிக்கு தேவையான மின்சாரம்தான் வில்லனின் ஒருவேளை உணவு என்றால் பவரை பார்த்துக் கொள்ளுங்கள். அப்படிப்பட்ட வில்லனை ஸ்டைபர் மேன் எப்படி அழிக்கிறார் என்பதுதான் கதை. வில்லனாக நடித்திருக்கிறவர் ஜெம்மி பாக்ஸ். ஹன்ஸ் சிம்மர் இசை அமைத்துள்ளார். டேனியல் மிண்டல் ஒளிப்பதிவு செய்திருக்கிறார். மார்க் வெப் இயக்கி உள்ளார்.
படத்தில் இதுவரை இல்லாத நவீன தொழில்நுட்பங்கள் பயன்படுத்தப்பட்டுள்ளது. 3டி, ஐமேக்ஸ் 3டி தொழில்நுட்பத்திலும் வெளிவருகிறது. இந்தியாவில் ஆங்கிலத்துடன் இந்தி, தெலுங்கு, தமிழ் மொழியிலும் வருகிற மே 1ந் தேதி ரிலீசாகிறது. குட்டீசுக்கு ஒரு கோடை விருந்து ரெடியாகிக் கொண்டிருக்கிறது.