இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
பரத் நடித்த சேவல் படம் மூலம் தமிழுக்கு வந்தவர் மும்பை நடிகை பூனம் பாஜ்வா. அதையடுத்து, தெனாவட்டு, கச்சேரி ஆரம்பம், தம்பிக்கோட்டை என வரிசையாக நடித்தவருக்கு ஸ்ரீகாந்துடன் நடித்த துரோகி படத்திற்கு பிறகு தமிழில் படமில்லை. ஆனால் அதையடுத்து ஒரு சின்ன இடைவெளிக்குப்பிறகு மீண்டும் ஸ்ரீகாந்த் நடித்த எதிரி எண் 3 படத்தில் நடித்தார் பூனம் பாஜ்வா. ஆனால், அப்படம் பைனான்ஸ் பிரச்னையால் கிடப்பில் கிடக்கிறது.
அதனால், அடுத்தபடியாக தன்னை கோடம்பாக்க டைரக்டர்கள் கண்டு கொள்ளாததால், இப்போது மலையாளத்தில் மோகன்லால் நடிக்கும் பெருச்சாழி என்ற படத்தில் கமிட்டாகியுள்ளார் பூனம் பாஜ்வா. அரசியல் கதையை மையமாகக்கொண்டு உருவாகும் இதன் படப்பிடிப்பு முழுக்க முழுக்க அமெரிக்காவில் நடக்க உள்ளதாம். அதனால் தனக்கு பொருத்தமான மாடர்ன் கெட்டப்பில் படம் முழுக்க வளைய வருகிறாராம் பூனம்.
முன்னதாக, இப்படத்திற்காக தலைவா ராகினி நந்துவானி கமிட்டான பிறகு இன்னொரு நாயகிக்காக சில நடிகைகளிடம் பேசினார்களாம் ஆனால், அவசரத்துக்கு எந்த முன்னணி நடிகைகளின் கால்சீட் கிடைக்கவில்லையாம். அதனால், மோகன்லாலே தன்னுடன் சைனா டவுன் படத்தில் ஏற்கனவே நடித்து பரிட்சயமான பூனம் பாஜ்வாக்கு அழைப்பு விடுத்து இந்த வாய்ப்பை வாங்கிக்கொடுத்தாராம்.
ஆக, மலையாளத்தில் மோகன்லாலின் ஆசீர்வாதத்துடன் இரண்டாவது ரவுண்டை தொடங்கியிருக்கிறார் பூனம்பாஜ்வா.