பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
மூ ன்று,'கோல்டன் குளோப்' விருது களைப் பெற்று, ஆஸ்கர் விருதுக்கான பந்தயத்தில் குதித்துள்ள படமிது. கறை படிந்த அரசியல்வாதிகளை பிடிக்க உதவும், தகிடுதத் ஜோடி. கடைசியில் தடுமாறிப் போகும் அமெரிக்க காவல் துறை.இர்விங் ரோஸன் பெல்ட் (கிறிஸ்டியல் பேல்), சின்ன வயதிலிருந்தே, சட்டத்தை மதிக்காதவன். சின்ன வயதில், அப்பாவின் கண்ணாடி கடையின் வியாபாரம் பெருக, ஊரில் உள்ள கண்ணாடிகளை, கல்லெறிந்து உடைத்தவன். தன் ஒரே பாச மகனுக்காக, அலுப்பூட்டும் தாம்பத்திய வாழ்க்கையை, மனைவியுடன் வாழ்ந்து கொண்டிருப்பவன். அவன் வாழ்க்கையில், உண்மையான காதலுடன் வருகிறாள், சிட்னி பிராசர் (ஏமி ஆதம்ஸ்). மெக்சிகோ நாட்டைச் சேர்ந்த சிட்னியை, லண்டன் பணக்காரியாக வேடம் போட வைத்து, தில்லாலங்கடி வேலைகளை அரங்கேற்றுகிறான், இர்விங். ஆனால், அவனை கண்ணி வைத்து பிடிக்கிறார், அமெரிக்க காவல் துறை அதிகாரி ரிச்சி டிமாஸோ (பிராட்லி கூப்பர்). விடுதலைக்கு ரிச்சி போடும் நிபந்தனை என்ன தெரியுமா? பெரிய மீன்களை பிடிக்க இர்விங் உதவ வேண்டும்.
கறைபடிந்த அரசியல்வாதிகளையும், அமெரிக்காவின் மாபியா கும்பலையும் பிடிப்பது தான், அவன் திட்டம். ஆனால், இர்விங்கும், சிட்னியும், அவனையே பலிகடா ஆக்கி, தப்பிப்பது தான், படத்தின் ஹைலைட். சப் - டைட்டில்களுடன் கதையை தெளிவாக சொல்கின்றனர். 'இங்கு நான் பொய்களை விற்கிறேன். ஏனென்றால், இது என் அலுவலகம்' என்பது போன்ற, வித்தியாசமான வசனங்கள், படத்தின் கல கலப்பை கூட்டுகின்றன. ஏமி ஆதம்ஸின் கவர்ச்சியும், நடிப்பும், பார்வையாளர்களை, இருக்கையை விட்டு எழுந்து விடாமல் கட்டிப் போடுகின்றன. பிராட்லி கூப்பர், துாள் கிளப்பியுள்ளார். ஜெனிபர் லாரன்ஸ், ஒரு முட்டாள் மனைவியை, கண் முன் நிறுத்துகிறார். அமெரிக்காவின் அரசியல் அவலங்கள், தோலுரித்து காட்டப்படுவது, பாராட்டப்பட வேண்டிய விஷயம். (இங்கே அப்படி படம் எடுத்தால், எந்த தியேட்டரிலும் படம் வெளியாகாது) மகனுக்கும், மனைவிக்கும் நடுவில், காதலில் தவிக்கும், இர்விங் பாத்திரத்தில், கிறிஸ்டியன் பேல், செமத்தியாக ஸ்கோர் செய்துள்ளார்.மொத்தத்தில், இந்திய பார்வையாளர்களுக்கு, இந்த படம்,
ஒரு வித்தியாசமான அனுபவம்.
ரசிகன் குரல்:நம்ம ஊர் படங்களில் பார்க்க முடியாத காட்சிகளும் வசனங்களும் இந்த படத்தில் தாரளமா இருக்கு.அதுக்காகவே பார்க்கணும் பாஸ்!
திரை தீர்ப்பு:கிளாசிக்