கேம் சேஞ்சர் படத்தில் மூன்று வில்லன்கள்? | ஒரே நேரத்தில் பஹத் பாசிலை வைத்து இரண்டு படங்களை தயாரிக்கும் ராஜமவுலி மகன்! | பெண்களால் முடியாதது எதுவுமில்லை! அண்ணா பல்கலை விழாவில் சூர்யா பேச்சு | கேரள ரசிகர்கள் தள்ளுமுள்ளு! விஜய்யின் கார் கண்ணாடி உடைந்தது!! | இறுதிக்கட்டத்தை நெருங்கிய ஜெயம் ரவியின் ஜீனி! | ஆண்ட்ரியாவுக்காக அடம்பிடித்த இயக்குனர் | ரூ.200 கோடி வசூலித்த முதல் மலையாள படம்: மஞ்சும்மேல் பாய்ஸ் சாதனை | ‛உன்னோடு வாழாத வாழ்வென்ன வாழ்வு': 25வது ஆண்டு திருமண வாழ்க்கையை கொண்டாடிய அஜித் - ஷாலினி தம்பதி | பாலிவுட்க்கு செல்லும் சுந்தர்.சி! | விஜய் மகனை நிராகரித்த சிவகார்த்திகேயன்! |
1973ல் முருகன் காட்டிய வழி என்ற படத்தில் அறிமுகமானவர் ஸ்ரீப்ரியா. அதையடுத்து கமலுடன் 30 படங்கள், ரஜினியுடன் 28 படங்கள் என் முன்னணி ஹீரோக்களுடன் டூயட் பாடியவர் இப்போதுவரை 300 தென்னிந்திய மொழிப்படங்களில் நடித்து விட்டார். இதற்கிடையே சில படங்கள் மற்றும் சீரியல்களை இயக்கியவர், தற்போது மலையாளத்தில் வெளியான 22 பீமேல் கோட்டையம் என்ற படத்தை தமிழ், தெலுங்கில் ரீமேக் செய்திருக்கிறார்.
தமிழில் மாலினி 22 பாளையங்கோட்டை என்ற பெயரிலும், தெலுங்கில் மாலினி 22 விஜயவாடா என்ற பெயரிலும் அப்படங்களை இயக்கி முடித்து விட்டார். இந்த நிலையில், மீண்டும் மலையாளத்தில் மோகன்லால் நடிப்பில் வெளியாகியுள்ள த்ரிஷ்யம் என்ற படத்தை தெலுங்கில் ரீமேக் செய்யப்போகிறாராம் ஸ்ரீப்ரியா.
தெலுங்கில் கண்டிப்பாக ஒரு பிரபல நடிகரை வைத்துதான் இப்படத்தை இயக்க வேண்டும் என்று முடிவெடுத்த ஸ்ரீபிரியா, மோகன்லால் வேடத்தில் நடிக்க வெங்கடேஷ் சரியாக இருப்பார் என்று அவரை சந்தித்து பேசினாராம். மோகன்லால் நடித்த படம் என்றதும் உடனே சம்மதம் சொல்லி விட்டாராம் அவர். அதனால், மாலினி 22 பாளையங்கோட்டை படம் திரைக்கு வந்ததும் த்ரிஷ்யம் ரீமேக்கை தெலுங்கில் இயக்க தயாராகிக்கொண்டிருக்கிறார் ஸ்ரீப்ரியா.