Dinamalar

புறம்போக்கு படத்துக்காக ஆக்ஷ்ன் ஹீரோயினி தேடுகிறார் ஜனநாதன்!

இயற்கை, ஈ, பேராண்மை படங்களைத் தொடர்ந்து எஸ்.பி.ஜனநாதன் இயக்கும் படம் புறம்போக்கு. இந்த படத்தில் முதலில் ஜீவா-ஜெயம்ரவிதான் நடிப்பதாக இருந்தது. ஆனால், அவர்களை வைத்து படம் பண்ணினால் பட்ஜெட் எகிறும். அதேசமயம் அவர்களுக்கான மார்க்கெட் வேல்யூ அந்த அளவுக்கு இல்லை. அதனால்தான் ஆர்யா-விஜயசேதுபதியை பட்ஜெட்டுக்கேற்ற ஹீரோக்கள் என்று கமிட் பண்ணியிருக்கிறார்களாம்.

இதுவரை தாங்கள் நடித்த கமர்சியல் களத்தில் இருந்து இது மாறுபட்ட கதைக்களம் என்பதால் இவ்விரு நடிகர்களுமே அதிக ஈடுபாட்டுடன் நடித்துக்கொண்டிருக்கிறார்கள். அதோடு கேரக்டர்களின் தன்மைக்கேற்ப இருவருமே தங்களது உடல்கட்டையும் மாற்றிக்கொண்டு நீயா -நானா என்று போட்டிபோட்டு நடிக்கத் தொடங்கி விட்டனர்.

இந்த நிலையில், படத்தில் யார் ஹீரோயினியாக நடிக்கிறார்கள்? என்று ஜனநாதனிடம் கேட்டால், இது வழக்கமான கதைகளை மாதிரி இல்லை. பார்ப்பார்கள், காதல் வரும், அடுத்து டூயட், வெளிநாடுகளுக்கு பறப்பார்கள் என்பதெல்லாம் கிடையாது. இரண்டு ஹீரோக்களுக்கும் ஒவ்வொரு கதாபாத்திரம். அதேமாதிரி அந்த கதைக்கு தேவையான ஒரு பெண் கதாபாத்திரத்தில் கதாநாயகி வருகிறார். ஆனால், அவர்கள் யாருக்குமே ஜோடி அல்ல. இந்த இரண்டு நடிகர்களையும் மாதிரி அவரும் கதைக்கு தேவையான ஒரு கேரகடர் அவ்வளவுதான்.

அதோடு, பேராண்மை படத்தில் ஜெயம்ரவியுடன் 5 பெண்கள் நடித்திருப்பார்கள். அவர்கள் அனைவருக்குமே சண்டை பயிற்சி கொடுத்து படமாக்கினேன். அதேபோல் இந்த படத்தில் நடிக்கும் நடிகைக்கும் ஆக்சன் ரோல்தான். அதனால், புதிதாக ஒரு நடிகைக்கு சண்டை பயிற்சி கொடுத்து படமாக்குவது சரியாக வராது என்பதால், ஏற்கனவே சண்டை பயிற்சி தெரிந்த ஒரு நடிகையாக தேடி வருகிறேன். கூடிய சீக்கிரமே யார் அந்த நடிகை என்பது பற்றிய அறிவிப்பு வெளியாகும் என்கிறார்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ரத்னம் படத்திற்கு கட்டப்பஞ்சாயத்து : விஷால் வேதனை
• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது
• 
  நடிகர் மன்சூர் அலிகான் காங்கிரஸ் கட்சியில் இணைகிறார்