‛கில்லி' ரீ-ரிலீஸ் : த்ரிஷா நெகிழ்ச்சி | சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் |
ஒரு படம் தியேட்டரில் ரிலீஸ் ஆகும் அன்றைய தினமே இன்டர்நெட்டிலும் வெளியிடும் புதிய திட்டம் ஒன்று நேற்று (டிசம்பர் 9) அறிமுகப்படுத்தப்பட்டது. பாக்கெட் பாப்கார்ன்.காம் என்கிற இணையதள முகவரியில் இனி புதிய படங்களை பார்க்கலாம். இதுபற்றி அதன் தலைமை செயலாளர் சிவகிரி கூறியதாவது: தமிழ்நாட்டில் 2005ம் ஆண்டு கணக்குப்படி 1200க்கும் மேற்பட்ட தியேட்டர்கள் இருந்தன. இப்போது ஆயிரத்திற்கும் குறைவான தியேட்டர்களே உள்ளன. முன்பு 100 முதல் 120 படங்களே ரிலீசானது. இப்போது 200 படங்களுக்கு மேல் ரிலீசாகிறது. அதாவது தியேட்டர் எண்ணிக்கை குறைந்து விட்டது. படங்களின் எண்ணிக்கை அதிகமாகிவிட்டது. ஒரு படம் ரிலீசாகி அதுபற்றி மக்களுக்கு சென்று சேரும் முன்பே படம் தியேட்டரை விட்டு வெளியேறிவிடுகிறது. ஒரு வாரத்துக்கு மேல் படத்தை தியேட்டரில் வைக்க முடியவில்லை. இதற்கிடையில் திருட்டு விசிடி பிரச்னையும் இருக்கிறது.
இதற்கு முற்றுப்புள்ளி வைக்கத்தான் இண்டர்நெட் தியேட்டரை அறிமுகப்படுத்தியிருக்கிறோம். தயாரிப்பாளர்களிடம் முறைப்படி உரிமம் பெற்ற படத்தை எங்கள் நெட்டில் அப்லோடு செய்து விடுவோம். ரசிகர்கள் வீட்டில் இருந்தே அதற்கான கட்டணத்தை ஆன்லைனில் செலுத்தி படத்தை பார்க்கலாம். செலுத்தும் கட்டணத்தில் பெரும்பகுதி படத்தின் தயாரிப்பாளருக்கு போய்ச்சேரும். எதிர்காலத்தில் இந்த இண்டர்நெட் தியேட்டர்கள்தான் நிலையானதாக இருக்கும்.
இவ்வாறு அவர் கூறினார்.