டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
கோவாவில் தற்போது சர்வதேச திரைப்பட விழா நடந்து வருகிறது. வருகிற 30ந் தேதி வரை நடக்கிறது. இதில் தமிழ் நாட்டில் இருந்து ராம் இயக்கிய தங்க மீன்கள் படம் மட்டுமே திரையிட தேர்வாகியிருந்தது. நேற்று (நவம்பர் 26) கோவாவில் உள்ள ஐநாக்ஸ் தியேட்டரில் தங்க மீன்கள் திரையிடப்பட்டது. உலக நாடுகள் பலவற்றிலும் இருந்து வந்திருந்த சினிமா உலகைச் சேர்ந்தவர்கள் படத்தை பார்த்தனர். ஆங்கில சப் டைட்டிலுடன் திரையிடப்பட்டது. படம் முடிந்ததும் அனைவரும் எழுந்து நின்று 5 நிமிடங்கள் கைதட்டினர். ராமை கைகுலுக்கியும், கட்டித் தழுவியும் பாராட்டினர். அவருடன் சென்றிருந்த நடிகை பத்மப்ரியா, ஷெல்லி, தயாரிப்பாளர் சதீஷ்குமார் ஆகியோரையும் பாராட்டினர். கடைசியாக ராம் பேசினார்.
தமிழ் நாட்டில் தந்தைக்கும் மகளுக்குமான உறவு எத்தகையது என்பதை உருக்கத்துடன் பேசினார். "மகள்களை பெற்ற தந்தைக்கு தெரியும் முத்தம் காமத்தை சார்ந்தது அல்ல" என்ற வாக்கியத்தை ஆங்கிலத்திலும், தமிழிலும் அவர் சொன்னபோது அரங்கத்தில் இருந்தவர்கள் மீண்டும் எழுந்து நின்று கைதட்டினார்கள். உணர்ச்சி பெருக்கில் ராம் கண்கலங்கினார். படம் மீண்டும் 29ந் தேதியும் திரையிடப்படுகிறது.