Dinamalar

கல்யாணம் ஆனதால் முத்தம் கொடுக்க மறுக்கிறேனா? : கரீனா கபூர் மறுப்பு

பாலிவுட்டின் முன்னணி நடிகை கரீனா கபூர். கடந்தாண்டு தான் இந்தி நடிகர் சயீப் அலிகானை காதலித்து திருமணம் செய்து கொண்டார். ஐஸ்வர்யா ராய் மாதிரியே திருமணத்திற்கு பிறகும் தொடர்ந்து சினிமாவில் நடித்து வருகிறார் கரீனா கபூர். திருமணத்திற்கு பிறகு தனது சினிமா வாழ்க்கை குறித்து அவர் அளித்துள்ள பேட்டி இதோ...

* ராம்லீலா வில், உங்கள் வாய்ப்பை பிரியங்கா, தட்டிப் பறித்தாரா?

திருமணம் ஆகி விட்டதால், நான் நடிக்க வேண்டிய படம், பிரியங்காவுக்கு போய் விட்டதாக, வதந்தி பரப்புகின்றனர். அந்த படத்தின் இயக்குனர், பன்சாலி, எனக்கு நெருங்கிய நண்பர். தான், ஒருபோதும், அப்படி சொல்லவில்லை என, அவரே கூறி விட்டார். ஒரு படத்தில் நடிக்க முடியாமல் போனதற்கு பல காரணம் இருக்கும். இதற்காக, நான் வருத்தப்படவில்லை.

* நீங்கள், கர்ப்பமாக இருப்பதாக...?

என்னை மையமாக வைத்து, அடிக்கடி, இதுபோன்ற, வதந்திகள் பரவுவது வழக்கமாகி விட்டது. இப்போது, நான் கர்ப்பமாக இருந்தால், அடுத்ததாக, கரீனாவின் குழந்தை, எந்த பள்ளியில் படிக்கப் போகிறது என்ற செய்தியை பரப்புவர். அதனால், இதுபோன்ற வதந்திகளை, நான், பொருட்படுத்துவது இல்லை.

* திருமணத்துக்கு பின், முத்த காட்சிகளில் நடிக்க மறுக்கிறீர்களாமே?

அவ்வளவு தானா, இன்னும் இருக்கா. எனக்கு, திருமணம் ஆனது, ஒரு குத்தமாய்யா? நெருக்கமாக நடிக்க மாட்டேன், முத்தக் காட்சியில் நடிக்க மாட்டேன் என்று, அடம் பிடிக்கும் பெண் அல்ல, நான். காட்சிக்கும், கதைக்கும், தேவைப்பட்டால், கண்டிப்பாக, அப்படி நடிப்பேன்.

* நடிகைகளுக்கு திருமணமாகி விட்டால், வாய்ப்பு குறையுமே? உங்களுக்கு எப்படி?

இப்போது, இரண்டு படங்களில் நடித்து வருகிறேன். மேலும், சில படங்களில் நடிக்க, ஒப்பந்தம் செய்யப்பட்டுள்ளேன். உள்நாடு, வெளிநாடு என, படப் பிடிப்புகளில், பிசியாக இருக்கிறேன். எனவே, திருமணமான, வேறு நடிகைகளிடம், இந்த கேள்வியை கேளுங்கள்.

* திருமண வாழ்க்கை எப்படி போகிறது?

ஒவ்வொரு நொடியையும், ரொம்பவே அனுபவித்து வாழ்கிறேன். இந்த வாழ்க்கை, எனக்கு பிடித்திருக்கிறது. என் கணவர், சயீப் அலிகானுடன், விரைவில் வெளிநாடு செல்லவிருக்கிறேன்.

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...