இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
ஆபரேஷன், சிசேரியன் என பெரும்பாலான பிரசவங்களினால் கத்தி, கத்தரி போட்டு தாயிடமிருந்து சேயை பிரித்தெடுக்கும் இன்றைய இந்திய மருத்துவ உலகத்தில் கத்தியின்றி, ரத்தமின்றி (சும்மா பேச்சுக்கு...) இதுவரை சுமார் 12,000 குழந்தைகளை அறுவை சிகிச்சை இல்லாமல் நார்மல் டெலிவரி என்னும் சுகப்பிரசவத்தின் மூலம் இப்பூமிக்கு தருவித்து, தாயையும் சேயையும் நலமாக வீடு திரும்பவைத்துவரும் டபிள்யூ.சி.எப். எனப்படும் வுமன் அண்ட் சில்ரன் பவுண்டேஷன் 2001ம் ஆண்டு முதல் சென்னையில் செயல்பட்டு வருகிறது.
இன்டர்நேஷனல் ஸ்டாண்டர்டு ஹெல்த் கேராகவும், ஹாஸ்பிடலாகவும் செயல்பட்டு வரும் டபிள்யூ.சி.எப்.-ன் சென்னை தி.நகர் கிளையை நடிகை தேவயானியும், காமெடிநடிகர் தம்பி ராமைய்யாவும் சமீபத்தில் டாக்டர் ராஜசேகர் தலைமையில் குத்துவிளக்கேற்றி தொடங்கிவைத்தனர். இவ்விழாவில் பேசிய நடிகை தேவயானி, டாக்டர் ராஜசேகர் சொன்னது போன்று பெண்கள் நிறைய உடற்பயிற்சிகள் செய்ய வேண்டும். அதுவும் 40 வயதை தாண்டிய பெண்களும் பிரசவ காலத்தில் உள்ள பெண்களும் சீரியல் பார்ப்பதை நிறுத்திவிட்டு, டி.வி.யை, கேபிளை கட்செய்துவிட்டு, நடப்பது, உடற்பயிற்சி செய்வது உள்ளிட்ட செயல்கள் உடம்புக்கும் பிரசவத்திற்கும் நன்மை பயக்கும். அதே மாதிரி, பருப்பு, கேஸ் என்றும் வாயு என்றும் நாம் எல்லோரும் ஒதுக்கிவைத்து விடுகிறோம். அதுமாதிரி செய்வது தவறு என்றும், பருப்பில் உள்ள புரதம் குறித்து டாக்டர் கூறினார் அல்லவா? அதை உணர்ந்து நாமெல்லாம் சோறை குறைத்துக்கொண்டு பருப்பை உண்ண வேண்டும். பரும்பு நிரம்பிய சாம்பாரை முடிந்தால் ரசம் குடிப்பது மாதிரி குடிக்க வேண்டும். அதுதான் உடம்புக்கு ஆரோக்கியம் என்றார்! அவரைத் தொடர்ந்து காமெடி நடிகர் தம்பி ராமைய்யாவும் உடற்பயிற்சி, உணவுக்கட்டுப்பாடு குறி்த்து நீண்டநேரம் உரையாற்றினார். சீரியல் நடிகை தேவயானி சீரியல் பார்க்காதீங்க என பேசியதும் காமெடி நடிகர் தம்பி ராமைய்யா சீரியாக உடற்பயிற்சி பற்றி பேசியதும் ‘டபிள்யூ.சி.எப்’ ஹாஸ்பிடல் திறப்புவிழாவில் பரபரப்பை கிளப்பிவிட்டது என்றால் பாருங்களேன்!