Dinamalar

கேமராமேன்கள் அப்டேட்டுல இருக்கணும்: சிங்கம்-2 ஒளிப்பதிவாளர் ப்ரியன் பேட்டி!!

 இப்போது தறிகெட்டு ஓடிக் கொண்டிருக்கும் சிங்கம்&2 கேமரா மேன் ப்ரியன். படத்தில் இடம்பெறும் ஹெலிகாப்டர் ஷாட் பற்றித்தான் எல்லோரும் பரபரப்பாக பேசிக்கொண்டிருக்கிறார்கள். அவருடன் ஒரு மினி பேட்டி:

* அந்த பரபரப்பான ஹெலிகாப்டர் ஷாட் பற்றி சொல்லுங்க பாஸ்...?

இது டெக்னிக்கல் ரகசியம்தான் இருந்தாலும் சொல்றேன். தரையில பயன்படுத்தின ஹெலிகாப்டர் ஷாட்கள் அனைத்தும் ஆளில்லாத மினி ஹெலிகாப்டரில் கேமராவை பொருத்தி தரையில் இருந்தே இயக்கி எடுக்கப்பட்ட காட்சிகள். கடலில் கப்பலை சுற்றி எடுக்கப்பட்டது ஒரிஜினல் ஹெலிகாப்டர் ஷாட். கீழே சூரியாவே கப்பலைச் சுற்றி படகை ஓட்ட நான் ஹெலிகாப்டரில் இருந்த படமாக்க இயக்குனர் ஹரி கப்பலில் உட்கார்ந்து மானிட்டர் பார்த்துக்கொண்டே கைட் பண்ண ஏதோ போர்களத்துல இருந்த மாதிரி இருந்துச்சு. மறக்க முடியாத த்ரிலிங் அனுபவம்.

* பெரிய பட்ஜெட் படங்கள்ல மட்டும் வேலை செய்றீங்களே?

சிறிய படங்களில் பணியாற்ற கூடாதுன்னு எந்த முடிவும் கிடையாது. அதுக்கான வாய்ப்பு கிடைக்கவில்லை. ஹரி இயக்கிய 12 படங்களில் 11 படத்துக்கு நான்தான் கேமராமேன். அவரோட ஆஸ்தான கேமராமேன்னும் சொல்லிக்கலாம். பெரிய இயக்குனர்கள், பெரிய பட்ஜெட்டில் படம் பண்ணும்போது நம்பிக்கையான ஒரு கேமராமேனை தேடுறாஙங்க அதுல நான் மாட்டிக்கிறேன். நல்ல கதையோட சின்ன பட்ஜெட் படம் வந்தா கண்டிப்பா செய்வேன்.

* ஒளிப்பதிவுங்றது எப்படி இருக்கணும்?

ஒளிப்பதிவு பண்ணியிருக்கிறதே தெரியக்கூடாது. கேமராமேன் பிரமாண்ட ஷாட் வச்சிருக்கான், சூப்பரா லைட் பண்ணியிருக்கான்னு ரசிகர்கள் விமர்சனம் வரக்கூடாது. ரசிகனை கதைக்குள்ள அழைச்சிக்கிட்டு போறதுதான் கேமராமேன் வேலையே தவிர தன்னை முன்னிருத்திக்கிறதில்ல. கதை என்னமாதிரி கேட்கிறதோ அப்படித்தான் ஒளிப்பதிவு பண்றேன். இது என்னோட தனிப்பட்ட கருத்து.

* நாளுக்கு நாள் டெக்னாலஜி வளர்ந்துக்கிட்டே இருக்கே?

நிச்சயமா... 3 மாதத்துக்கு ஒரு புது கேமரா வருது. புதுப்புது டெக்னாலஜி வருது. எல்லாத்தையும் கத்துக்கிட்டு அப்டேட்டுல இருக்கணும். ஆனா படத்துக்கு என்ன தேவையா அதை மட்டுந்தான் செய்யணும். புதுசா ஒரு டெக்னாலஜிய கத்துக்கிட்டா அதை அடுத்த படத்துலேயே திணிக்க கூடாது.

* படம் எப்போ டைரக்ட் பண்ணப்போறீங்க?

அது ரொம்ப பெரிய வேலை. எனக்கு எப்பவுமே கேமராதான் துணை.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...