டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
விஸ்வரூபம்-2 படத்தின் முதல் போஸ்டரை தொடர்ந்து படத்தின் டிரைலரை வெளியிட்டுள்ளார் நடிகர் கமல்ஹாசன். கமல்ஹாசனின் பிரமாண்ட நடிப்பு, இயக்கம் மற்றும் தயாரிப்பில் பல்வேறு சர்ச்சைகளை கடந்து இந்தாண்டு வெளிவந்து, மாபெரும் வெற்றி பெற்ற படம் விஸ்வரூபம். முதல்பாகத்தில் அமெரிக்கா மற்றும் ஆப்கானிஸ்தானில் கதைகளத்தை கொடுத்த கமல்ஹாசன், இரண்டாம் பாகத்தை இந்தியாவை மையப்படுத்தி கதைக்களத்தை அமைத்துள்ளார். இப்படத்தின் ஷூட்டிங் இறுதிகட்டத்தை எட்டியுள்ள நிலையில் கடந்த சில தினங்களுக்கு முன்னர் விஸ்வரூபம்-2 படத்தின் முதல் போஸ்டரை வெளியிட்டார்.
இந்நிலையில் இப்போது படத்தின் டிரைலரை சர்வதேச இந்திய திரைப்பட விழாவில் வெளியிட்டுள்ளார் கமல். டிரைலரை வெளியிட்டு கமல் பேசியதாவது, பாலிவுட்டில் விஸ்வரூபம்-2 டிரைலர் நல்ல வரவேற்பை பெற்றுள்ளது. விஸ்வரூபம் படத்தை காட்டிலும் விஸ்வரூபம்-2 இன்னும் பிரம்மாண்டமாக வந்துள்ளது. குறிப்பாக இரண்டாம் பாகத்தில் தண்ணீருக்கு அடியில் எடுக்கப்பட்ட சண்டைக்காட்சிகள் மற்றும் ஹெலிகாப்டர் சண்டைக்காட்சிகள் பெரிதும் பேசப்படும், விஸ்வரூபம்-2வில் தொழில்நுட்ப ரீதியாக பல்வேறு அம்சங்கள் சேர்க்கப்பட்டுள்ளது என்றார்.
விஸ்வரூபம் முதல்பாகத்தில் நடித்த ஆண்ட்ரியா, பூஜா குமார், ராகுல் போஸ் உள்ளிட்ட நட்சத்திரங்களே இரண்டாம் பாகத்திலும் நடித்துள்ளனர். தற்போது படம் இறுதிகட்டத்தை எட்டியுள்ளது. தீபாவளிக்கு இப்படம் ரிலீஸாகும் என தெரிகிறது.