சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் | கிரிக்கெட் பின்னணி கதையில் விஜய் மகன் | சிஎஸ்கே வீரருடன் சீரியல் நடிகைக்கு காதலா? - நடிகையே சொன்ன உண்மை | பணத்திற்காக அட்ஜெஸ்ட்மெண்ட்? - ஆர்த்திகா அளித்த அதிரடி பேட்டி | வில்லியாக என்ட்ரி கொடுக்கும் ஆர்த்தி சுபாஷ் | பிளாஷ்பேக் : முதல் அரசியல் நையாண்டி படம் | சீரியல் ஜோடி திருமணம் | ஓட்டுரிமையை வீணாக்காதீர்கள் : விஜய் ஆண்டனி |
நடிகர் தனுஷ் ரஜினியின் மருமகனானபோது, அடுத்த சூப்பர் ஸ்டார் என்கிற அளவுக்கு ரசிகர்களால் பேசப்பட்டவர். ஆனால், தனுசுக்கு அந்த பட்டத்தின் மீது ஈர்ப்பு இல்லை. சூபபர் ஸ்டார் என்பது ரஜினி சார் கஷ்டப்பட்டதற்கு பலனாக கிடைத்தது. அதை எளிதில் நான் எனது பெயருக்கு முன்னால் போட்டுக்கொள்வது நியாயமில்லை என்று அதை தவிர்த்தார்.
மேலும், அவரிடம் ரஜினி சார் நடித்த படங்களில் நடிப்பீர்களா? அவர் நடித்தது மாதிரி நடிப்பீர்களா? என்று மீடியா சார்பில் அவரை நோக்கி அவ்வப்போது கேள்விகள் பாய்ந்து வருகின்றன. ஆனால், அதற்கு ஆரம்பத்திலிருந்தே, ரஜினி சார் ரொம்ப பெரிய நடிகர். அதனால் அவருடன் என்னை யாரும் ஒப்பிடாதீர்கள். மேலும், அவர் நடித்த படங்களில் நான் நடிப்பது இப்போது சாத்தியமில்லை என்றும் பதிலளித்து வந்தார்.
இந்த நிலையில், தற்போது ராஞ்சனா படம் சம்பந்தமாக மும்பையில் முகாமிட்டுள்ள தனுசிடம், ரஜினியின் மருமகன் என்பது உங்களுக்கு எந்த வகையில் ப்ளசாக உள்ளது என்று நிருபர்கள் கேட்டபோது, ரஜினியின் மருமகன் என்பதால் எனக்கு எந்தவித ப்ளஸோ, மைனஸோ கிடையாது என்று கூறியுள்ள தனுஷ், அவர் எப்படி அவரது வேலையை செய்து கொண்டிருக்கிறாரோ, அதேபோல் நானும் வழக்கம்போல் எனது வேலையை செய்து கொண்டிருக்கிறேன். மேலும், நாங்கள் இருவருமே எங்களது வேலைகளில் பிசியாக இருப்பதால் எனது ராஞ்சனா படம் பற்றிகூட எனது மாமனாரிடம் இதுவரை பேசிக்கொண்டதில்லை என்றும் கூறியுள்ளார் தனுஷ்.