Dinamalar

நான் விக்ரமனின் கண்டுபிடிப்பு - புது முக நடிகர் ரெஜித்!

தனது முதல் படத்திற்கு புதுவசந்தம் என்று பெயர் வைத்த நேரமோ என்னவோ தமிழ் சினிமாவில் ஒரு புதுவசந்தமாகவே நுழைந்து இன்று மிகச்சிறந்த இயக்குனர்களில் ஒருவராகக் கருதப்படுபவர் இயக்குனர் விக்ரமன். பல நடிக- நடிகைகளை அறிமுகப்படுத்தியதோடு மட்டுமல்லாமல் இன்று புகழின் உச்சியில் இருக்கும் நடிகர்ளுக்கு விகரமன் படங்கள் தாம் புகழின் ஏணிப்படியாக அமைந்தது என்றால் மிகையாகாது.

குடும்பப்பின்னணியில் சமூக நோக்கும் கலந்து வரும் அவரது பொழுதுபோக்குப் படைப்புகள் வயது வித்தியாசமின்றி அனைத்து ரசிகர்களாலும் கவரப்படுபவைகளாக இருக்கும்.

அந்த வரிசையில் தற்பொழுது முற்றிலும் புதுமுக நடிகர்களை வைத்து நினைத்தது யாரோ என்கிற படத்தை இயக்கிவருகிறார். கிட்டத்தட்ட 80% முடிவடைந்த நிலையில் உள்ள இந்தப் படத்தில் ரெஜித் என்கிற பொறியியல் பட்டதாரியை கதாநாயகனாக அறிமுகப்படுத்தியிருக்கிறார் இயக்குனர் விக்ரமன்.

இந்த படம் எனக்கு வாழ்கையில் ஒரு திருப்புமுனையாக இருக்கும் என்று நம்பும் ரெஜித், “ பொறியியல் படித்து முடித்து விட்டு சினிமா மீது இருந்த காதலால் சினிமாவிற்கு வந்த எனக்கு தமிழில் முதல் படமே விக்ரமன் சார் படமாக அமைந்தது பெரிய அதிர்ஷ்டம்… விக்ரமன் சார் இயக்கத்தில் நடிப்பது ஒரு பெரிய அனுபவமாக இருந்தது.. பழகுவதற்கு இனிமையானவர்.

ஒரு பெரிய இடைவெளிக்குப் பிறகு இந்தப் படம் விக்ரமன் சாருக்கு ஒரு மாபெரும் வெற்றி படமாக அமையும்… நினைத்தது யாரோ வெளியான பிறகு தமிழ் ரசிகர்கள் என்னை நிரந்தரமாக நினைக்க ஆரம்பித்து விடுவார்கள் என்கிற நம்பிக்கை இருக்கிறது… ” என்றார்.

அவர் சொல்லுவது சரிதான் போலும், நினைத்தது யாரோ வெளிவரும் முன்பே இரண்டு பெரிய நிறுவனங்களில் இருந்து வாய்ப்புகள் வந்திருக்கும் ரெஜித் எப்படிப் பட்ட கதாபாத்திரத்திலும் நடிக்கத் தயாராக இருக்கிறார்.

ரெஜித்துக்குப் பிடித்த ஒரு தூண்டுதலாக இருக்கும் நடிகர் யார் தெரியுமா…? ரெஜித்துக்கும் தல அஜித்தானாம். 

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  'அமரன்' நிஜ கதாநாயகனுக்கு அஞ்சலி செலுத்திய இயக்குனர்
• 
  தன் படங்களின் அப்டேட் கொடுத்த ஜிவி பிரகாஷ்குமார்
• 
  நடிகை தமன்னாவுக்கு மும்பை சைபர் கிரைம் சம்மன்
• 
  ரீ-ரிலீஸ் படங்களால் யாருக்கு லாபம்?
• 
  விஜய் கையில் காயம் : ரசிகர்கள் வருத்தம்