இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் | அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி |
ஒருவழியாக வடிவேலுவின் வனவாசம் முடிவுக்கு வருகிறது. இடைப்பட்ட காலத்தில் பல கதைகளை கேட்ட வடிவேலு யுவராஜ் என்பவரின் "கஜ புஜ கஜ தெனாலிராமனும் கிருஷ்ணதேவராயரும்" என்ற கதையை டிக் அடித்து விட்டார். "இம்சை அரசன் 23ம் புலிகேசி" பாணியிலான வரலாற்று காமெடி படம். இதனை 30 கோடி செலவில் தயாரிக்க முன்வந்திருக்கிறது ஏஜிஎஸ் நிறுவனம். இதில் வடிவேலு தெனாலிராமன், கிருஷ்ணதேவராயர் என்ற இரு வேடங்களில் நடிக்கிறார். இமான் இசை அமைக்கிறார்.
இதுகுறித்து ஏஜிஎஸ் எண்டர்டயின்மெண்ட் நிறுவனத்தின் தலைமை செயல் அதிகாரி அர்ச்சனா கல்பாத்தி தனது டுவிட்டரில் தெரிவித்திருக்கிறார். இதனுடன் சேர்த்து இந்த ஆண்டு ஏஜிஎஸ் நிறுவனம் 6 படங்களை தயாரிக்கிறது என்றும் அர்ச்சனா கூறியிருக்கிறார்.
இதே பாணியில் "சரஸ்வதி சபதம்" என்ற படத்தையும் தயாரிக்கிறது. இதில் ஜெய், விடிவி கணேஷ், சத்யன், மனோபாலா நடிக்கிறார்கள் மற்ற நடிகர்கள், நடிகைகள் இன்னும் முடிவு செய்யப்படவில்லை. சந்துரு என்ற புதுமுகம் இயக்குகிறார். ஜெயம் ரவியும் ஜெயம் ராஜாவும் இணையும் ஒரு படத்தையும் தயாரிக்கிறார்கள். அதர்வா நடிக்கும் ஒரு படத்தை தயாரிக்கபோவதாக அறிவித்திருக்கிறார்கள். இதுதவிர ஐஸ்வர்யா தனுஷ் இயக்கும் ஒரு படத்தையும் தயாரிக்கிறார்கள்.