டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ் சினிமாவில் வளர்ந்து வரும் இளம் நடிகர் கவின். சில மாதங்களுக்கு முன் அவர் நடித்து வெளிவந்த டாடா திரைப்படம் மிகப் பெரிய வெற்றி படமாக மாறியது. இதை தொடர்ந்து அவர் பிரபல நடன இயக்குனர் சதீஷ் கிருஷ்ணன் இயக்கத்தில் நடிக்கிறார் என தகவல் பரவியது. இந்த நிலையில் இன்று(மே 26) இந்த படம் பற்றி அதிகாரப்பூர்வமாக அறிவித்துள்ளனர். கவினின் நான்காவது படத்தை நடன இயக்குனர் சதீஷ் கிருஷ்ணன் இயக்குகிறார். இந்த படத்தில் கதாநாயகியாக அயோத்தி படத்தின் மூலம் பிரபலமான பிரீத்தி அன்சாரி நடிக்கிறார். ரோமியோ பிக்சர்ஸ் ராகுல் தயாரிக்க, அனிருத் இசையமைக்கிறார் என்று அதிகாரப்பூர்வமாக அறிவித்துள்ளனர். இன்று இந்த படத்தின் பூஜையுடன் படப்பிடிப்பு துவங்கியுள்ளது. இந்த பூஜையில் இயக்குனர் மிஷ்கின் உள்ளிட்டோர் கலந்து கொண்டனர். விரைவில் இப்படத்தின் தலைப்பை விரைவில் அறிவிப்போம் என்று தெரிவித்துள்ளனர். இளைஞர்களைக் கவரும் வகையில் இன்றைய தலைமுறையின் கதையைச் சொல்லும் கமர்ஷியல் படமாக இப்படம் உருவாகவுள்ளது.