நடிகைகள் மீது எனக்கு ஒருநாளும் காதல் வராது- வினய்

மிரட்டலுக்குப் பிறகு வினய் நடித்து வரும் காமெடிப்படம் ஒன்பதுலகுரு. இதில், லட்சுமிராய், சத்யன், பிரேம்ஜி ஆகியோரும் முக்கிய வேடத்தில் நடித்துள்ளனர். இப்படத்தில் காதல் ஜோடிகளாக நடித்துள்ள வினய்-லட்சுமிராய் ஆகிய இருவரும் அதிக நெருக்கமாக, உணர்ச்சிப்பூர்வமாக பின்னி பிணைந்து நடித்து வருவதாக செய்திகள் பரவியுள்ளது. மேலும், படப்பிடிப்பு முடிந்த பிறகு இருவரும் தனிமையில் அமர்ந்து மணிக்கணக்கில் மனம் விட்டு பேசுவதாகக்கூட கூறுபவர்கள், அவர்களுக்கிடையே காதல் தீ பத்திக்கொண்டிருப்பதாகவும் தெரிவிக்கிறார்கள்.

ஆனால் இந்த செய்தி எந்த அளவுக்கு நிஜம் என்பதை அறிய வினய்யுடம் கேட்டபோது, இந்த படத்தில் நானும், லட்சுமிராயும் காதல் காட்சிகளில் அதிக நெருக்கமாக நடிப்பது உண்மைதான். ஆனால் அது படத்துக்காகத்தான். மற்றபடி எங்களுக்குள் காதல் எதுவும் இல்லை. மேலும், எனக்கெல்லாம் நடிகைகள் மீது ஒருநாளும் காதல் வராது. காரணம், நான் தொழிலை நேசிப்பவன். உடன் நடிக்கும் சக நடிகைகளையும் அந்த கதாபாத்திரங்களாக மட்டுமே பார்ப்பவன். அப்படித்தான் லட்சுமிராயையும் பார்க்கிறேன். மற்றபடி எங்களைப்பற்றி பரவியிருக்கும் காதல் செய்தி வெறும் வதந்தி மட்டுமே என்கிறார் வினய்.