டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
ஆசியாவிலேயே முதல் திரைப்படமாக கமலின் விஸ்வரூபம் படம், ஆரோ 3டி தொழில்நுட்பத்தில் வெளிவந்ததை தொடர்ந்து, இப்போது 2வது படமாக அமீரின் அதி-பகவனும் ஆரோ 3டியில் வெளியாக உள்ளது. அமீர் இயக்கத்தில், ஜெயம் ரவி, நீத்து சந்திரா நடிப்பில் உருவாகியுள்ள படம் ஆதி-பகவன். முதல்முறையாக அமீர் கமர்ஷியல் கதைகளத்தை கையில் எடுத்துள்ளார். மாபியா கும்பலை மையப்படுத்தி இப்படத்தின் கதை உருவாகியுள்ளது. இப்படம் நாளை(22ம் தேதி) ரிலீஸ் ஆகிறது. முன்னதாக இப்படத்திற்கு சில அமைப்புகள் எதிர்ப்பு தெரிவித்ததால் படத்தின் தலைப்பை அமீரின் ஆதி-பகவன் என்று மாற்றியுள்ளார் டைரக்டர் அமீர். அதுமட்டுமின்றி இப்படத்தை ஆரோ 3டி தொழில்நுட்பத்திலும் வெளியிட உள்ளார்.
இதுகுறித்து அமீர் வெளியிட்டுள்ள அறிக்கையில், ஆதி-பகவன் படத்திற்கு இந்து மதக்கடவுள்களை அவமதிப்பதாக ஏற்பட்ட குற்றச்சாட்டின் காரணமாக போலீஸ் கமிஷனர் அலுவலகம், முதல்வரின் தனிசெல் பிரிவு மற்றும் தணிக்கை குழு ஆகியோரிடம் 100-க்கும் மேற்பட்ட புகார் மனுக்கள் வந்ததை தொடர்ந்து பலத்த எதிர்ப்பு மற்றும் எதிர்பார்ப்புகளுக்கு இடையே எனது ஆதி-பகவன் படம், அமீரின் ஆதி-பகவனமாக பெயர் மாற்றப்பட்டு, ஏ சான்றுடன் வெளியாகிறது. அதுமட்டுமின்றி, விஸ்வரூபம் படத்தை தொடர்ந்து ஆரோ 3டி ஒலி அமைப்பில் ஆசியாவிலேயே 2வது படமாக எனது படம் நாளை 22ம் தேதி உலகம் முழுக்க ரிலீஸ் ஆக இருக்கிறது.
மேலும் எனது திரைப்பட சில குழுக்களை திருப்திப்படுத்தும் நோக்கத்துக்காக ஏ சான்று வழங்கி இருந்தாலும், குடும்பத்துடன் அனைத்து தரப்பினரும் பார்த்து ரசிக்ககூடிய கமர்ஷியல், ஆக்ஷ்ன் படமாக அமீரின் ஆதி-பகவன் படம் உருவாகி இருக்கிறது என்பதை மகிழ்ச்சியுடன் தெரிவித்து கொள்கிறேன்.
இவ்வாறு அமீர் கூறியுள்ளார்.