ரெஜினாவின் சகோதர பாசம்

தமிழில், "அழகிய அசுரா என்ற படத்தில் நடித்தவர் ரெஜினா. அதன்பிறகு, கோலிவுட் கைகொடுக்காததால், டோலிவுட் சினிமாவில் கால்பதித்தார். சற்று இடைவெளிக்கு பின், தற்போது,"கேடி பில்லா கில்லாடி ரங்கா  படத்தில் நடிக்க ஒப்பந்தம் செய்யப்பட்டுள்ளார். இதைத் தொடர்ந்து, நிர்ணயம் என்ற  படத்திலும், நடிப்பதற்கு, அவருக்கு அழைப்பு வந்துள்ளது. "இந்த வாய்ப்பை தவறவிட்டால், வேறு எப்போதும் வாய்ப்பு கிடைக்காது என்ற முடிவுக்கு வந்துள்ள, ரெஜினா, வாய்ப்புகளை கைப்பற்ற, சென்டிமென்ட் அவதாரத்தை கையில் எடுத்துள்ளார். "இயக்குனர்கள் அனைவரும் எனக்கு அண்ணன்கள் மாதிரி, அதனால் என்னை தொடர்ந்து பாசத்தோடு ஆதரிக்க வேண்டும் என்று கோலிவுட் இயக்குனர்களுக்கு அன்பான வேண்டுகோள் விடுத்துள்ளார். இது  மட்டுமல்லாமல், படப்பிடிப்புகளின்போதும், இயக்குனர்களை, "அண்ணா... அண்ணா என, பாசத்துடன் அழைக்கிறாராம்.