Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

10 ஆண்டுகளாக தரப்படும் நெருக்கடி : அதிரடி தீர்வு காண விஜய் முடிவு?

25 நவ, 2022 - 11:14 IST
எழுத்தின் அளவு:
Vijay-take-new-decision

கடந்த 10 ஆண்டுகளாக நடிகர் விஜய் படங்கள் வெளியீட்டின்போது சிக்கல்கள் ஏற்படுவதால் அதற்கெல்லாம் ஒரே தீர்வு அரசியல் பிரவேசம் தான் என அவர் முடிவு செய்துள்ளதாக தெரிகிறது.

நடிகர் விஜய் நடிக்கும் படங்களுக்கு 2011 முதல் சிக்கல்கள் தொடர்ந்த வண்ணம் உள்ளன. சுறா படத்தின் தோல்வியால், காவலன் படத்திற்கு சிக்கல் உருவாக, நஷ்டஈடு கொடுத்த பின், காவலன் படம் வெளியானது. கடந்த 2012ல் துப்பாக்கி படத்தின் தலைப்புக்கு சிக்கல் ஏற்பட, வழக்கை தாண்டி படம் வெளியானது. கடந்த 2013ல் தலைவா படத் தலைப்பில், 'டைம் டு லீட்' என்ற இணைத் தலைப்புக்கு கடும் எதிர்ப்பு கிளம்ப, தியேட்டருக்கு வெடிகுண்டு மிரட்டல் விடுக்கப்பட்டது.

இதன் காரணமாக, சில நாள் கழித்து, இணைத் தலைப்பை நீக்கிய பின், தலைவா படம் வெளியானது.கடந்த 2014ல் ராஜபக்சேவுக்கு நெருக்கமான 'லைக்கா' நிறுவனம் தயாரித்த, கத்தி படத்திற்கும் எதிர்ப்பு கிளம்பியது. 2015ல் புலி படத்தை தயாரித்த தயாரிப்பாளர்கள் வீட்டில் வருமான வரித் துறை 'ரெய்டு' காரணமாக, அதிகாலை காட்சிகள் ரத்தாகின.



கடந்த 2016ல் தெறி படத்தின் வெளியீட்டின் போது, வினியோகஸ்தர்களுக்கும், தயாரிப்பாளர்களுக்கும் பிரச்னை ஏற்பட்டது. கடந்த 2017ல் மெர்சல் படத்தில் விஜய் பேசிய, ஜி.எஸ்.டி., வரி சம்பந்தப்பட்ட காட்சிகளால், பட வெளியீட்டுக்கு முந்தைய நாள் வரை, 'சென்சார்' சான்றிதழ் கிடைப்பதில் தாமதம் ஏற்பட்டது.

கடந்த 2018ல், சர்கார் படத்தின் கதை திருடப்பட்டதாக புகார் எழுந்தது. இது குறித்து, வருண் ராஜேந்திரன் என்பவர் புகார் கொடுத்திருந்தார். கடந்த 2019ல் பிகில் படத்தின் போஸ்டரில், இறைச்சி வெட்டும் மரக்கட்டையின் மீது விஜய் கால் வைத்திருப்பது போன்ற 'போஸ்டர்' வெளியானது. இதனால், வியாபாரிகள் சங்கத்தினர் போராட்டம் நடத்தினர். மேலும் 2021ல் மாஸ்டர் படத்தின் படப்பிடிப்பு நெய்வேலியில் நடந்த போது, வருமான வரித் துறையினர், விஜய் வீட்டில் ரெய்டு நடத்தினர்.

கடந்த 2022 ஏப்., 14ல், பீஸ்ட் படம் வெளியாக இருந்த நிலையில், கே.ஜி.எப்., படம் காரணமாக, ஒரு நாள் முன்னதாக பீஸ்ட் வெளியானது. தற்போது, 2023ல் வெளியாக உள்ள வாரிசு படத்தின் தெலுங்கு பதிப்பு வெளியீட்டுக்கு, ஆந்திராவில் சிக்கல் ஏற்பட்டுள்ளது. அதேபோல், படப்பிடிப்பில் யானையை அனுமதியின்றி பயன்படுத்தியதாக புகாரும் கிளம்பி உள்ளது.

ஒட்டுமொத்தமாக, ஒவ்வொரு ஆண்டும் தன் பட வெளியீட்டின்போது பிரச்னையை சந்திக்கும் விஜய், இதை நிரந்தரமாக தீர்க்க, அரசியலை கையில் எடுத்துள்ளார். சத்தமில்லாமல் தன் ரசிகர் மன்றம் வாயிலாக களமிறங்க காத்திருக்கிறார். ஏற்கனவே தனது மக்கள் இயக்கத்தினர் உள்ளாட்சி தேர்தல்களில் போட்டியிட்டு 100க்கும் மேற்பட்ட இடங்களில் வெற்றி பெற்றனர். இதை அடுத்தடுத்த தளத்திற்கு கொண்டு செல்ல விஜய் முடிவெடுத்துள்ளார். அதன்வெளிப்பாடாகவே சமீபத்தில் தனது மக்கள் இயக்க நிர்வாகிகளை விஜய் சந்தித்து பேசியதாக தெரிகிறது.

- நமது நிருபர் -

Advertisement
கருத்துகள் (4) கருத்தைப் பதிவு செய்ய
பொது இடத்தில் முத்தம் : ஸ்ரேயா தந்த விளக்கம்பொது இடத்தில் முத்தம் : ஸ்ரேயா தந்த ... ஒரே ஸ்டுடியோவில் நடைபெறும் ரஜினி, அஜித் படங்களின் படப்பிடிப்பு ஒரே ஸ்டுடியோவில் நடைபெறும் ரஜினி, ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (4)

25 நவ, 2022 - 21:59 Report Abuse
அநாமதேயம் எல்லாமே கோலாமால் செய்வான் ஆனால் யாரும் கேட்க கூடாது கொள்ளை பணம் சம்பாதிதாலும் வரிகணக்க்கில் தில்லாலங்கடி. அடுத்தவன் படம் இவன்படம் வரும் போது வரக்கூடாது
Rate this:
தமிழன் - கோவை,இந்தியா
25 நவ, 2022 - 16:10 Report Abuse
தமிழன் நாலு படம் ஓடுச்சுன்னா உடனே அவனவன் எம்.ஜி.ஆர் ஆக ஆசை வந்துருது.. அதாகப்பட்ட விஜயகாந்த், கமல்ஹாசனே ஏன்டா இப்படி இழுத்து விட்டுக் கொண்டோம் என்று நொந்து, ஒதுங்க நேரம் பார்த்துக் கொண்டிருக்கும் போது இவனுக்கு இதெல்லாம் டூமச். ரஜினி மாதிரி மத்தவனை பைத்தியக்காரன் ஆக்குகிற கலை எவனுக்கும் வராது
Rate this:
HoneyBee - Chittoir,இந்தியா
25 நவ, 2022 - 15:15 Report Abuse
HoneyBee அடுத்த காமஹாசன் வடிவேலு பார்ட் டூ ரெடி
Rate this:
RaKa - Madurai,இந்தியா
25 நவ, 2022 - 13:25 Report Abuse
RaKa Every action has an equal and opposite reaction. தீதும் நன்றும் பிறர் தர வாரா... என்பதை விஜய் புரிந்து கொள்ள வேண்டும்
Rate this:

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in