கமல் ஹாசனின்அடுத்த படம் "மூ

விஸ்வரூபம் சர்ச்சை, ஒரு வழியாக முடிவுக்கு வந்ததால், நிம்மதி அடைந்துள்ளார், கமல். தற்போது அடுத்த படத்துக்கான ஆயத்த வேலைகளில் ஈடுபட்டுள்ளார். அடுத்ததாக, "விஸ்வரூபம் 2 படம், தயாராகப் போவதாக, கமல் தரப்பில் ஏற்கனவே செய்திகள் வெளியாகின.விஸ்வரூபம் படத்தின் படப் பிடிப்பு நடந்தபோதே, இரண்டாம் பாகத்துக்கான, படப்பிடிப்பும் பெருமளவில் நடந்துள்ளதாகவும், தகவல்கள் வெளியாகின. இதையடுத்து, மீதமுள்ள காட்சிகளையும், முடித்து விட்டு, அடுத்ததாக, "மூ என்ற வித்தியாசமான தலைப்பில், ஒரு படத்தில், அவர் நடிக்கப் போவதாகவும் கூறப்படுகிறது.இந்த படத்தில், மூன்று வேடத்தில் அவர் நடிக்கப் போவதாகவும், ஆங்கிலத்திலும், இந்த படம் தயாராகப் போவதாகவும், கோடம்பாக்கம் வட்டாரங்கள் கூறுகின்றன. ஆனால், கமல் தரப்பில், இதுகுறித்து அதிகாரப்பூர்வமாக எந்த தகவலும் வெளியாகவில்லை.