கருப்பம்பட்டிக்கு மறு படப்பிடிப்பு

அஜ்மல் நடித்துள்ள படம் கருப்பம்பட்டி. அவருக்கு ஜோடியாக அபர்ணா பாஜ்பாய் நடித்துள்ளார். பிரபுராஜா சோழன் இயக்கி இருக்கார். நீண்ட நாள் தயாரிப்பில் இருக்கும் இந்தப் படம் சமீபத்தில்தான் முடிந்தது. தமிழ் படம் கண்ணன் இசை அமைத்திருக்கிறார். நீண்ட நாட்களுக்கு பிறகு இந்தி பாடகரும், இசை அமைப்பாளருமான பப்பிலஹரி இதில் ஒரு பாடல் பாடியிருக்கிறார். படத்தை தயாரிப்பாளர் தன் நண்பர்களுக்கும், விநியோகஸ்தர்களுக்கும் போட்டுக் காட்டியுள்ளார். அவர்கள் படத்தில் பப்பிலஹரி பாடியுள்ள பாடல் காட்சி நன்றாக இல்லை. இன்னும் ரிச்சாக பண்ணினால் பாடலும் பெரிய ஹிட்டாகும். படத்துக்கு அது உதவியா இருக்கும் என்று சொல்லியிருக்கிறார்கள். இதனால் அந்தப் பாடலை மட்டும் திரும்ப படமாக்கினார்கள். ஏற்கெனவே இருந்த பாடல் காட்சியை வெட்டி எறிந்து விட்டு புதிதாக  எடுக்கப்பட்டதை சேர்த்திருக்கிறார்கள். இதற்கு சுமார் 50 லட்சம் செலவானதாம்.