'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
சிம்பு நடிப்பில் தயாரான 'ஈஸ்வரன்', ஜெய், பாரதிராஜா நடிப்பில் தயாரான 'குற்றம் குற்றமே' ஆகிய படங்களையும், ஆஹா ஓடிடி தளத்தில் வெளியான 'குத்துப் பத்து' எனும் தொடரையும் தயாரித்த டி கம்பெனி நிறுவனம் அடுத்து ஓடிடி தளத்திற்கென்றே ஒரு படத்தை தயாரிக்கிறது.
இந்த படத்தில் காயத்ரியும், அபர்ணதியும் இணைந்து நடிக்கிறார்கள். அறிமுக இயக்குநர் கார்த்திக் சீனிவாசன் இயக்கத்தில் உருவாகும் இந்தப் படத்தில், சார்லி, சேதுபதி படங்களில் நடித்த லிங்கா, விவேக் பிரசன்னா, கே.பி.ஒய். தீனா, நக்கலைட்ஸ் தனம் உள்ளிட்ட பலர் நடிக்கிறார்கள். மதன் கிறிஸ்டோபர் ஒளிப்பதிவு செய்யும் இந்த திரைப்படத்திற்கு சக்தி பாலாஜி இசையமைக்கிறார்.
காயத்ரி தற்போது பஹீரா, இடிமுழக்கம், காயல் படங்களில் நடித்து வருகிறார். எங்க வீட்டு மாப்பிள்ளை நிகழ்ச்சி மூலம் பிரபலமான அபர்ணதி, தேன், ஜெயில் படங்களுக்கு பிறகு இந்த படத்தில் காயத்ரியுடன் இணைந்துள்ளார். படத்திற்கு இன்னும் டைட்டில் வைக்கவில்லை.