'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
ஹிந்தியில் அமீர்கான் நடித்துள்ள லால் சிங் தாத்தா என்ற படத்தை தமிழகத்தில் உதயநிதி ஸ்டாலினின் ரெட் ஜெயண்ட் மூவிஸ் வருகிற 11ந்தேதி வெளியிடுகிறது. இந்த நிலையில் சென்னையில் இப்படத்தின் பிரஸ்மீட் நடைபெற்ற போது, திமுக தமிழகத்தில் ஹிந்திக்கு எதிராக தொடர்ந்து போராடி வருகிறது. ஆனால் நீங்கள் ஒரு இந்தி படத்தை தமிழகத்தில் வெளியிடுகிறீர்களே? என்று நிருபர்கள் கேள்வி எழுப்பினார்கள்.
அதற்கு உதயநிதி, ‛‛திமுக ஹிந்தி திணிப்பைதான் எதிர்க்கிறதே தவிர, ஹிந்தி படிக்க வேண்டாம் என்று யாரையும் சொல்லவில்லை. விரும்பினால் யார் வேண்டுமானாலும் ஹிந்தியை தாராளமாக படித்துக் கொள்ளலாம். ஆனால் ஹிந்தியை படித்தே ஆக வேண்டும் என்று கட்டாயப்படுத்துவதை மட்டும் தான் திமுக எதிர்கிறது. இந்த படத்தை தமிழகத்தில் வெளியிட்டு தருமாறு அமீர்கானே வீடியோ காலில் அழைத்து பேசியதால் இதற்கு நான் ஒத்துக் கொண்டேன். அதோடு நான் அமீர்கானின் ரசிகனும் கூட. அதன் காரணமாகவே இந்த படத்தை வெளியிட சம்மதித்தேன்'' என்றார்.