Advertisement

சிறப்புச்செய்திகள்

விஸ்வரூபம் மீதான தடையை நீக்கியது ஐகோர்ட்

29 ஜன,2013 - 15:03 IST
எழுத்தின் அளவு:

 சென்னை: கமல் நடித்துள்ள, "விஸ்வரூபம் படத்தை, தியேட்டர்களில் திரையிட மாவட்ட கலெக்டர்கள் பிறப்பித்த தடை உத்தரவிற்கு, சென்னை ஐகோர்ட் தடை விதித்தது. மாவட்ட கலெக்டர்கள் பிறப்பித்த தடை உத்தரவை சென்னை ஐகோர்ட் நிறுத்தி வைத்துள்ளது. இதனிடையே இன்று காலை பத்திரிகையாளர்களை நடிகர் கமல்ஹாசன் சந்திக்க உள்ளதாக தகவல் வெளியாகியுள்ளது.

 முஸ்லிம் அமைப்பினரின் எதிர்ப்பால் தமிழகத்தில் விஸ்வரூபம் படத்திற்கு தடை விதிக்கப்பட்டுள்ளது. இதனை எதிர்த்து கமல் தரப்பில் சென்னை ஐகோர்ட்டில் வழக்கு தொடரப்பட்டுள்ளது. மேலும் மாவட்டங்கள் தோறும் விதிக்கப்பட்டு இருக்கும் தடையை எதிர்த்தும் ஒருவழக்கு தொடரப்பட்டுள்ளது. வழக்கை நீதிபதி வெங்கட்ராம் விசாரித்தார்.

தணிக்கை சான்றில் முறைகேடு : தமிழக அரசு சார்பில் தலைமை வக்கீல் நவநீத கிருஷ்ணன் வாதிட்டார். அவர் வாதிடும்போது, விஸ்வரூபம் படத்திற்கு அளிக்கப்பட்ட தணிக்கை சான்றே தவறானது. இந்தபடத்திற்கு வழங்கப்பட்ட தணிக்கை சான்றில் முறைகேடு நடந்துள்ளது. இதுகுறித்து விசாரிக்க நீதிபதி உத்தரவிட வேண்டும். மேலும் நான்கு பேர் மட்டுமே ஒரு படத்தை பார்த்து சான்று அளிப்பதை ஏற்க முடியாது. அனைவரும் பார்க்க வேண்டும், குறிப்பாக சம்பந்தப்பட்டவர்கள் பார்த்து அனுமதி தர வேண்டும். எனவே இந்தப் படத்தைத் திரையிட தடை விதிக்கப்பட்டது சரியே என்று வாதிட்டார்.

தமிழகத்தில் சட்டம் ஒழுங்கு பாதிக்கப்பட்டுள்ளதா...?
கமல் தரப்பில் வக்கீல் பி.எஸ்.ராமன் வாதிடும்போது, விஸ்வரூபம் படத்தை எதிர்த்து ஒரே சமயத்தில் மாநிலத்தில் உள்ள அனைத்து மாவட்டங்களிலும் 144 தடை சட்டத்தை உபயோகப்படுத்தியுள்ளனர். அந்தளவுக்கு தமிழகத்தில் சட்டம் ஒழுங்கு கெட்டுபோய் உள்ளதா...? இதுகுறித்து தமிழக அரசு விளக்க வேண்டும் என்றார்.

மாநில அரசுக்கு அதிகாரம் கிடையாது : தொடர்ந்து வழக்கு விசாரணை மதியத்திற்கு ‌மேல் வந்தபோது, கமல் தரப்பு வழக்கறிஞர் ராமன் வாதிடுகையில், சட்டப்படி சென்சார் செய்த படத்தை தடுக்கும் அதிகாரம் மாநில அரசுக்கு கிடையாது. மேலும் படத்தில் இந்திய முஸ்லிம் அமைப்புகளை பற்றி எந்த ஒரு தவறான காட்சிகளும் இல்லை. முஸ்லிம் அமைப்பினரை புண்படுத்தும் காட்சிகள் ஏதும் இல்லை. இப்படம் கேரளா மற்றும் ஆந்திராக்களில் ஓடிக்கொண்டு இருக்கிறது. குறிப்பாக கேரளாவில் முஸ்லிம்கள் அதிகம் வாழும் மலபார் என்ற பகுதியில் இப்படம் நல்ல வரவேற்பை பெற்றுள்ளது. மேலும் இப்படத்திற்காக கமல் தனது வாழ்நாளில் சம்பாதித்த மொத்த பணத்தையும் முதலீடு செய்துள்ளார். அப்படிப்பட்ட சூழலில் படம் வெளியாகமல் இருந்தால் அவருக்கு பெரும் நஷ்டம் ஏற்படும் என்று வாதிட்டார்.

வழக்கு தொடர கமலுக்கு உரிமை இல்லை : தொடர்ந்து அரசு தரப்பில் வாதிடும்போது, விஸ்வரூபம் என்ற படத்தை விநியோகஸ்தர்களுக்கு கமல் விற்றுவிட்டார். அதனால் படத்திற்கான உரிமையும் இப்போது அவரிடம் இல்லை. எனவே சட்டப்படி அவர் வழக்கு தொடரவே உரிமை கிடையாது என்று வாதிட்டார்.

தணிக்கை வாரியத்தின் மீதான குற்றம் ஆதாரமற்றது : விஸ்வரூபம் படம் தடை விதிக்கப்பட்டது தொடர்பாக தணிக்கை குழு சார்பில் ஆஜரான வக்கீல் வில்சன் வாதிடுகையில், விஸ்வரூபம் படத்தின் காட்சி அமைப்புகளுக்கான ஆதாரத்தின் அடிப்படையில் சான்று கொடுக்கப்பட்டது. படத்தில் இடம்பெற்ற சர்ச்சைக்குரிய 14 காட்சிகள், கிட்டத்தட்ட 1.8 நிமிட காட்சிகள் நீக்கப்பட்ட பின்னரே சான்று அளிக்கப்பட்டது. தணிக்கை வாரியத்தின் மீதான குற்றச்சாட்டு ஆதாரமற்றது என்றார்.

விசாரணை முடிந்தது : விஸ்வரூபம் படம் தொடர்பாக கமல் தரப்பு, அரசு தரப்பு, தணிக்கை தரப்பு உள்ளிட்ட அனைத்து தரப்பு வாதங்களும் முடிந்தது. இதனையடுத்து தீர்‌ப்பு இரவு இரவு 8 மணிக்கு தீர்ப்பு வழங்கப்படும் என நீதிபதி வெங்கட்ராமன்அறிவித்திருந்தார். இந்நிலையில், இந்த வழக்கின் மீதான தீர்ப்பு இரவு 10 மணிக்கு தள்ளிவைக்கப்பட்டது.

இந்நிலையில், நேற்று இரவு 10:15 மணி அளவில் உத்தரவு பிறப்பிக்கப்பட்டது.
நீதிபதி வெங்கட்ராமன் பிறப்பித்த உத்தரவு:
இந்த வழக்கின் ஒட்டு மொத்த சூழ்நிலையை கருத்தில் கொண்டு, குற்றவியல் நடைமுறை சட்டபிரிவு, 144ன் கீழ் பிறப்பிக்கப்பட்ட தடை உத்தரவு நிறுத்தி வைக்கப்படுகிறது. இந்த உத்தரவை அமல்படுத்த தடை விதிக்கப்படுகிறது.மேலும், இப்படத்தை வெளியிடும் மனுதாரரின் உரிமையில் குறுக்கிட அரசுக்கு தடை விதிக்கப்படுகிறது. இவ்வழக்கில் ஆரம்ப முகாந்திரம் உள்ளதால், இந்த இடைக்கால உத்தரவு பிறப்பிக்கப்படுகிறது. பதில் மனு தாக்கல் செய்தபின், சட்டப்படி தகுதி அடிப்படையில் முடிவு எடுக்கப்படும். இப்படத்திற்கு எதிர்ப்பு தெரிவித்தவர்கள், "சினி மோட்டே கிராப் சட்டத்தின் கீழ் நியமிக்கப்பட்ட உரிய அமைப்பில் மனு தாக்கல் செய்யலாம், அதற்கு இந்த உத்தரவு தடையாக இருக்காது.இவ்வாறு நீதிபதி வெங்கட்ராமன் உத்தரவிட்டுள்ளார். இந்த உத்தரவை இன்று காலை வரை நிறுத்தி வைக்க வேண்டும் என, கூடுதல் அட்வகேட்-ஜெனரல் அரவிந்த் பாண்டியன் கூறினார். ஆனால், அதை நீதிபதி எற்கவில்லை. இந்த வழக்கு விசாரணையையொட்டி, சென்னை ஐகோர்ட்டில் நேற்று போலீஸ் பாதுகாப்பு பலப்படுத்தப்பட்டிருந்தது. இதற்கிடையே, ஐ கோர்ட் பிறப்பித்த உத்தரவை எதிர்த்து, தமிழக அரசு மேல்முறையீடு செய்துள்ளது. இதையொட்டி, இந்த மனு மீதான விசாரணை, இன்று நடைபெறும் என தெரிகிறது

விஸ்வரூபம் படம் மீதான தடை விலக்கப்பட்டதை தொடர்ந்து, கமல் ரசிகர்கள் பட்டாசு வெடித்தும், இனிப்புகள் வழங்கியும் கொண்டாடினர்.

கமல் சந்திப்பு: விஸ்வரூபம் படத்திற்கான தடை சென்னை ஐகோர்ட் விலக்கியுள்ளதை தொடர்ந்து, தீர்ப்பை எதிர்த்து மேல்முறையீடு செய்ய முயற்சிகள் நடந்து வருகிறது. இதனையடுத்து, இன்று காலை 10.30 மணியளவில் ஆழ்வார்பேட்டையில் உள்ள தனது அலுவலகத்தில் பத்திரிகையாளர்களை, விஸ்வரூபம் பட கதாநாயகன் கமல் அவசரமாக சந்திக்க உள்ளதாக தகவல் வெளியாகியுள்ளது. அப்போது, விஸ்வரூபம் படம் வெளியிடுவது பற்றி தகவல் வெளியாகும் என எதிர்பார்க்கப்படுகிறது.

Advertisement
தாய்ப்பால் விழிப்புணர்வு ஆல்பம் தயாரிக்கிறார் தாஜ்நூர்தாய்ப்பால் விழிப்புணர்வு ஆல்பம் ... திருக்குறளின் வார்த்தையே ஆதிபகவன் படத்தின் தலைப்பு! தயாரிப்பாளர் அன்பழகன் விளக்கம்! திருக்குறளின் வார்த்தையே ஆதிபகவன் ...

வாசகர் கருத்து

sirajudeen - abudhabi,ஐக்கிய அரபு நாடுகள்
30 ஜன,2013 - 14:38
 sirajudeen i like கமல்.அரசியல் சுய லாபதிக்காக சில இஸ்லாமிய அரசீயல்வதிகலும்,தமிழக அரசும் இணைத்து நடத்திய நாடகம் என்பது உருதிபதுத்தபட்டு உள்ளது .தமிழக அரசே அரசியல் சுயனலவதிகளே மக்களுடனும் முஸ்லிம்களுடனும் விளையாடாதே தயவு சயீது படத்தை ரிலீஸ் செய்யவும்
vasu - SALEM,இந்தியா
30 ஜன,2013 - 13:27
 vasu தேவை இல்லாத வேலை
அசோக் குமார் - Trichy,இந்தியா
30 ஜன,2013 - 13:18
 அசோக் குமார் மக்களின் நலனில் மட்டுமே முழு அக்கறை கொண்டதாக காட்டிகொள்ளும் அரசு செய்ய வேண்டிய காரியங்கள் எத்தனை எத்தனையோ உள்ளது. மது பான கடைகளால் தமிழகத்திற்கு வந்து கொண்டிருக்கும் தீங்கை விட வேறு ஒன்றும் வந்துவிடபோவதில்லை. பலர் அமைப்புகள் மது பான கடைகளை அகற்ற கோரிக்கை விடுத்தபோது கொஞ்சம் கூட காதில் வாங்கி கொள்ளாத இந்த அரசு, ஒரு படத்தினால் சட்டம் ஒழுங்கு கெட்டுவிடும் என்று கூறுவதும், தியேட்டர்களில் போலீஸ் காரர்களே படத்தை ஓட்டகூடாது என்று சொல்லி தடுத்து நிறுத்துவதும் சரியா?. ஒரு கலைஞன் வேறு மாநிலத்தில் குடியேருவேன் என்று சொல்வது தமிழ் நாட்டுக்கு அழகா?.
மணிகுமார் - bengaluru,இந்தியா
30 ஜன,2013 - 13:12
 மணிகுமார் அருமையான படம் எல்லாரும் பார்க்க வேண்டிய படம் ... its a war against jaya govt and INTELLINGENT KAMALHASSAN.. WE LL BACK U KAMAL GO A HEAD
shankar - Chennai,இந்தியா
30 ஜன,2013 - 12:10
 shankar இது அந்த பகவானுக்கு வந்த சோதனை கமல் கலங்க வேண்டாம் நீங்கள் பகவன் நம்பிக்கை இல்லாதவர் இருந்தாலும் அவர் உங்களை கைவிட மாட்டார்
ஜாக்சன் - Dammam,சவுதி அரேபியா
30 ஜன,2013 - 11:19
 ஜாக்சன் தன் நோயை ஒத்துக்கொண்டு அதற்க்கு மருந்து பார்க்காத எவனும் டாக்டரை குறைகூறிக்கொண்டு அன்நோயாலே சாவான். தயவு செய்து பகுத்தறியுங்கள் ஆண்டவனும் அதைதான் சொல்கிறான்.
30 ஜன,2013 - 11:04
 ஆல்பர்ட் அந்துவான் திரு.நவநீதக்ருஷ்ணன் அவர்கள் அரசு வழக்கறிஞரா? ஒரு இயக்கத்தின் வழக்கறிஞரா? என்பதை முதலில் தெளிவு படுத்திக்கொள்ள வேண்டும்.உயர் நீதிமன்ற நீதிபதியின் தீர்ப்பை அரசு ஏற்க மறுப்பதும் மேல் முறையீடு செய்வதும் அய்யா அவர்களுக்கு வாடிக்கையான ஒன்று தான்.கடைசியில் அவரது வாதம் எடுபடாது என்பதும் அவருக்கு தெரிந்த ஒன்றுதான்.என்றாலும் யாரையோ திருப்தி படுத்துவற்காக வாதிடுவதை இனிமேலாவது தவிர்ப்பது நல்லது.காவிரியில் நீரின்றி தற்கொலையில் முடிகின்ற விவசாயின் வாழ்க்கை பற்றி நீதிமன்றத்தில் மூடி மறைத்த தமிழக அரசு,ஒரு குறிப்பிட்ட இயக்கத்திற்காக இவ்வளுவுதூரம் அக்கறை காட்டுவது யாரை திருப்திபடுதுவத்துவதற்காக? தடைதான் நீக்கப்பட்டு விட்டது திரையரங்குகளுக்கு அனுமதி அளிக்கவில்லை அதனால் திரையிட முடியாது என்று பேட்டியளிப்பது எவ்விதத்தில் சரி என்பதை சட்டம் தெரிந்த இவர்தான் தெளிவு படுத்த வேண்டும்.
கார்த்திக் - trichy,இந்தியா
30 ஜன,2013 - 10:50
 கார்த்திக் தமிழக அரசு செய்ய வேண்டிய நல்ல வேலைகள் இருக்கு அதை செய்யுங்கள்
kumar - malaysia,இந்தியா
30 ஜன,2013 - 10:03
 kumar வாழ்க கமல். வளர்க அவரின் அடுத்த முயற்சி. எதிர் பார்க்கிறோம்.
vijayajumar - chennai,இந்தியா
30 ஜன,2013 - 09:06
 vijayajumar உலகம் முழுவதும் அனவரும் படம் பர்ர்க்க .
லக்ஷ்மன் - tirupur,இந்தியா
30 ஜன,2013 - 08:38
 லக்ஷ்மன் எவனென்று நினைத்தாய்? எதைக்கண்டு சிரித்தாய்? விதை ஒன்று முளைக்கையில், வெளிப்படும் சுய ரூபம், யாரென்று தெரிகிறதா? இவன் தீயென்று புரிகிறதா? தடைகளை வென்றே சரித்திரம் படைத்தவன், ஞாபகம் வருகிறதா?
குமார் - Bangalore,இந்தியா
30 ஜன,2013 - 08:25
 குமார் நாம் அனைவரும் இந்தியர்கள் இதில் எங்கிருந்து வந்தது இந்த மதம் இதை அனைவரும் நன்கு உணரவேண்டும். மேலும் இது போன்ற திரைப்படத்தில் வரும் தீவிரவாதம் உண்மையில் நடந்தது தவிர திரு.கமல்ஹாசன் அவர்களின் சொந்த கருத்து கிடையாது. இதை அனைவராலும் ஏற்றுகொள்ளவேண்டியவை. இனிவரும் காலங்களில் இது போன்ற கருத்துரிமை சுதந்திரம் அனைவருக்கும் கொடுக்க வேண்டும் அப்பொழுதுதான் நம் சமுதாயம் மற்ற நாடுகளுக்கு நம் நாடு முன்னுதாரணமாக திகழும் என்பதில் எனக்கு உடன்பாடுண்டு. இந்தியர்கள் அனைவரும் மதத்தை பார்க்காமல் மனிதர்களாக பாருங்கள். நாம் அனைவரும் பிரிந்தால் மற்ற நாடுகளுக்கு கொண்டாட்டம். அதேபோல் நாம் அனைவரும் சேர்ந்தால் மற்ற நாடுகளுக்கு திண்டாட்டம். வாழ்க பாரதம். அல்லா ஹு அக்பர், ஓம் நமசுவாய, தேவனே என்னை போற்றுங்கள்.
venkat Iyer - Nagai,இந்தியா
30 ஜன,2013 - 07:02
 venkat Iyer அய்யா, நானும் கூட கமல் மீதுதான் தப்பு இருக்குமோ என்று நினைத்து இருந்தேன்.ஆனால்,ஜெயா டி வி யில் இந்த செய்தியை பற்றி ஒரு வரி சொல்லாததன் மூலம் ஜெயா அரசுதான் தடையில் தீவிரம் காட்டியுள்ளது என்பதை எங்கள் அப்பன் குதுறுக்கில் இல்ல என்பது போல காட்டி கொடுத்து விட்டது. அம்மாவின் ஆணவம் அவரையே அழித்துக்க்கொள்வார் என்பதை பத்திரிக்கைகள் உணர்த்தி கொண்டு இருப்பது உண்மையாகிவிடுமா என்பது கவலையாக உள்ளது. Best wishes kamal. முஸ்லிம் அன்பர்,எங்களைவிட அரசு தீவிரம் காட்டி வருகின்றது. அரசு வழி எங்கள் வ்ழி என்று அவர்கள் கூறிவிட்டார்கள். இதன் மூலம்,அவர்கள் சங்கம் எதுவும் தனியாக முடிவு எடுக்கவில்லை. ஜெயா உங்களுக்கு இது தேவைதானா? ஆனால், வடிவேலுப்ப்போல, முஸ்லிம தீவிரவாதியாகவும்,இந்து கடவுளையும்,அய்யர் பெண் சிக்கன் சாப்பிடுவதாகவும் காட்டுவது சீண்ண்டுவதாக இருப்பதால் கொஞ்சம் எதிர்ப்பை காட்டி, அடுத்த முறை இதுபோல பண்ணாதிங்கோ.
கண்ணா - Thanjavur,இந்தியா
30 ஜன,2013 - 06:57
 கண்ணா "வேட்டி கடிய தமிழ் மகன் தான் பிரதமரா வரணும்" - கமல் தமிழ் நாடு வாக்கு மூலம் .
பாலு - los angeles,யூ.எஸ்.ஏ
30 ஜன,2013 - 06:09
 பாலு படம் நன்றாக உள்ளது. இது தேவை இல்லா டார்ச்சர்
elamurugan - cjennai  ( Posted via: Dinamalar Android App )
30 ஜன,2013 - 00:50
elamurugan ஒவ்வொரு படம் பாடம்
Indian muslim - chennai  ( Posted via: Dinamalar Android App )
30 ஜன,2013 - 00:35
Indian muslim கமல் சார் மீது நம்பிக்னக உண்டு. அவர் எங்கள கச்டபடுத்த மாட்டார். இந்து நண்பர்களே, நீங்கள் எங்கனள வார்த்னதகளால் கச்டபடுத்த வேண்டாம். எல்லோரும் நல்லவர்கள்தான். உணர்ச்சியால் மாறி விடுகின்றோம். Hindu + muslim( power ful india )
sam - chn  ( Posted via: Dinamalar Android App )
29 ஜன,2013 - 16:07
sam bad time started for TN Government
முரளி - Chennai,இந்தியா
29 ஜன,2013 - 16:05
 முரளி திரு நவநீத கிருஷ்ணன் அவர்களே, நாலு பேர் பார்த்து சான்று அளிப்பதை ஏற்று கொள்ள முடியாவிட்டால் சென்சார் இல்லாமலே படத்தை வெளியிட வேண்டியது தானே. சம்பத்தப்பட்டவர்கள் என்றால் தலிபான் ஆட்களை கூப்பிட்டு பார்க்க சொல்லுங்கள். அவர்களை பற்றி தான் படமே தவிர எல்ல இஸ்லாமியர்களை பற்றியும் அல்ல. அந்த 21 பேர் குழுவினர் தான் புரிந்து கொள்ள வில்லை என்றால் நீங்களுமா? ஆட்டு வித்தார் யாரொருவர் ஆடதாரோ என்ற பாடல் நினைவுக்கு வருகிறது.
விருமாண்டி - மதுரை,இந்தியா
29 ஜன,2013 - 15:32
விருமாண்டி தலைவா உன் படாத ரிலீஸ் பன்னவிடாம சில பேர் சதி பண்ணிட்டாங்க ..நீங்க கவலபடாதிங்க உங்க கூட நாங்க இருக்கிறோம் தலைவா ..சீக்கிரம் விஸ்வரூபம் பார்ட் 2 பார்ட் 3 வெளிவரட்டும்
அச்சில்லஸ் - India,இந்தியா
29 ஜன,2013 - 15:27
 அச்சில்லஸ் இது வாதம் அல்ல..விதண்டா வாதம் !
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Purampokku Engira pothu udamai
    Tamil New Film Mapla Singam
    Tamil New Film Maanga
    • மாங்கா
    • நடிகர் : பிரேம்ஜி அமரன்
    • நடிகை : அத்வைதா
    • இயக்குனர் :ஆர்.எஸ்.ராஜா
    Tamil New Film Navarasa thilagam
    • நவரச திலகம்
    • நடிகர் : மா.க.பா.ஆனந்த்
    • நடிகை : சிருஷ்டி டாங்கே
    • இயக்குனர் :காம்ரன்

    Tweets @dinamalarcinema

    Advertisement
    Copyright © 2015 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in